Koronavirýspen aýyryp shyqqandar psihologiialyq problemalarǵa kóbirek beiim bolady, dep habarlaidy VVS.
Zertteý nátijesi boiynsha ǵalymdar osyndai tujyrymǵa keldi. Onyń negizinde koronavirýsty juqtyrǵandardyń 20%-ynda 90 kún ishinde psihikalyq aýytqýlar paida bolady eken. Koronavirýspen aýyryp shyqqan árbir besinshi adamda belgili bir psihikalyq aýytqýlar damidy, deidi ǵalymdar, biraq olar nege ekenin áli bilmeidi.
Oksford ýniversitetiniń zertteýshileri Sovid-19-ben aýyryp shyqqan naýqastardy zerttegen. Adamdarda aýrýdan aiyǵyp shyqqannan keiin psihologiialyq problemalar týyndaǵan, bul eń aldymen mazasyzdyq, depressiia jáne uiqysyzdyq. Sondai-aq ǵalymdar dementsiianyń (aqyl-oi qabiletteriniń jalpy nasharlaýy) damý qaýpi jáne midyń keibir fýnktsiialarynyń nasharlaýy aitarlyqtai artatynyn atap ótti.
«Dárigerler men ǵalymdar mundai adamdarda psihologiialyq aýytqýlardyń damýyna ne sebep bolatynyn anyqtap, olardy emdeýdiń jańa tásilderin jasaýy kerek», - dedi psihiatriia professory Pol Harrison.
AQSh-ta zertteýshiler kompiýterlik modeldeýdi qoldana otyryp, eger bilik karantindik shekteýler engizbese jáne adamdar ózin-ózi oqshaýlaý rejimin saqtamasa, barlyq turǵyndardyń 30% aýrý juqtyrady degen qorytyndyǵa keldi.
Zertteý avtorlarynyń aitýynsha, adamdar kóbinese meiramhanalarda, sport zaldarda, qonaq úilerde jáne kafelerde virýs juqtyrady, al eger halyq olarǵa barýdan bas tartsa, qysta infektsiianyń belsendi túrde taralýyn boldyrmaýǵa bolady.
