Almatyda koronavirýs infektsiiasyn emdeý úshin donorlyqty nasihattaý aktsiiasy bastaldy, dep habarlaidy "Ult aqparat".
Bul bastamany belgili blogerler, belsendiler uiymdastyrdy. Olardyń ishinde koronavirýspen aýyrǵan blogerler de bar.
TMD aýmaǵynda birinshi ret qolǵa alynyp otyrǵan bul aktsiianyń basty maqsaty – naýqastardyń densaýlyǵyn saqtaýǵa qoǵam úlesin qosýdy nasihattaý.
«Ómirge úmit syila» dep atalatyn aktsiiaǵa 2 apta daiyndaldyq. Bul igi bastamany Qairat Qudaibergenov bastady. Bizdiń ideiamyzdy qala ákimdigi de qoldady. Búgin Qan ortalyǵyna kóp adamdy jinap, qan tapsyrýǵa úgit-nasihat júrgizip jatyrmyz», - dedi Instagram-daǵy pablikterdiń biriniń ákimshisi, bloger ári kásipker Vladimir Volkov.
Ǵylymi zertteýlerge sáikes, qan plazmasy kádimgi vaktsinanyń ornyn almastyrady.
«Eger qan taldaýy barlyq jaǵynan taza bolsa, qan tapsyrý – ár azamattyń boryshy dep sanaimyn. Sebebi, adamdarǵa qan kez kelgen jaǵdaida kerek bolady. Bul material aýyryp jatqan kóptegen azamattyń densaýlyǵyn jaqsartýǵa yqpal etpek», - dedi belgili qazaqstandyq vainer Meiirjan Tórebaev.
Aktsiia uiymdastyrýshylary KVI-men aýyrǵan azamattardy qan tapsyrýǵa shaqyrdy. Sebebi olardyń qanynyń plazmasynda koronavirýsqa qarsy antideneler kóp bolady.
