الماتىدا كوروناۆيرۋس ينفەكتسيياسىن ەمدەۋ ٷشٸن دونورلىقتى ناسيحاتتاۋ اكتسيياسى باستالدى, دەپ حابارلايدى "ۇلت اقپارات".
بۇل باستامانى بەلگٸلٸ بلوگەرلەر, بەلسەندٸلەر ۇيىمداستىردى. ولاردىڭ ٸشٸندە كوروناۆيرۋسپەن اۋىرعان بلوگەرلەر دە بار.
تمد اۋماعىندا بٸرٸنشٸ رەت قولعا الىنىپ وتىرعان بۇل اكتسييانىڭ باستى ماقساتى – ناۋقاستاردىڭ دەنساۋلىعىن ساقتاۋعا قوعام ٷلەسٸن قوسۋدى ناسيحاتتاۋ.
«ٶمٸرگە ٷمٸت سىيلا» دەپ اتالاتىن اكتسيياعا 2 اپتا دايىندالدىق. بۇل يگٸ باستامانى قايرات قۇدايبەرگەنوۆ باستادى. بٸزدٸڭ يدەيامىزدى قالا ەكٸمدٸگٸ دە قولدادى. بٷگٸن قان ورتالىعىنا كٶپ ادامدى جيناپ, قان تاپسىرۋعا ٷگٸت-ناسيحات جٷرگٸزٸپ جاتىرمىز», - دەدٸ Instagram-داعى پابليكتەردٸڭ بٸرٸنٸڭ ەكٸمشٸسٸ, بلوگەر ەرٸ كەسٸپكەر ۆلاديمير ۆولكوۆ.
عىلىمي زەرتتەۋلەرگە سەيكەس, قان پلازماسى كەدٸمگٸ ۆاكتسينانىڭ ورنىن الماستىرادى.
«ەگەر قان تالداۋى بارلىق جاعىنان تازا بولسا, قان تاپسىرۋ – ەر ازاماتتىڭ بورىشى دەپ سانايمىن. سەبەبٸ, ادامدارعا قان كەز كەلگەن جاعدايدا كەرەك بولادى. بۇل ماتەريال اۋىرىپ جاتقان كٶپتەگەن ازاماتتىڭ دەنساۋلىعىن جاقسارتۋعا ىقپال ەتپەك», - دەدٸ بەلگٸلٸ قازاقستاندىق ۆاينەر مەيٸرجان تٶرەباەۆ.
اكتسييا ۇيىمداستىرۋشىلارى كۆي-مەن اۋىرعان ازاماتتاردى قان تاپسىرۋعا شاقىردى. سەبەبٸ ولاردىڭ قانىنىڭ پلازماسىندا كوروناۆيرۋسقا قارسى انتيدەنەلەر كٶپ بولادى.
