Nur-Sultan qalasynyń sanitarlyq-epidemiialyq baqylaý departamenti COVID-19-dan keiingi balalar immýnitetin nyǵaitý jóninde keńester berdi, dep habarlaidy "Ult aqparat".
«Álem ǵalymdary COVID-19-dyń adam aǵzasyna áseri men aýrýdan keiingi saldary boiynsha úzdiksiz zertteýler júrgizýde. Kóptegen dárigerlerdiń baqylaýy boiynsha, COVID-19 eresekterge qaraǵanda balalarda jeńil ótedi. Balalarda qyzý, murynnyń bitelýi, tamaqtyń aýrýy jáne jótel baiqalady. JRVI-men uqsastyǵyna bailanysty, balada COVID-19 bar-joǵyn test jasamai anyqtaý óte qiyn. Kóptegen jaǵdailarda balalar arasynda COVID-19 jaǵdailary epidemiologiialyq kórsetkishter boiynsha tekserý kezinde, josparly emdeýge jatqyzý barysynda anyqtalady», - dep jazdy departament Facebook-tegi paraqshasynda.
Uiymnyń habarlaýynsha, balaǵa JRVI-men aýyrǵan kezindegidei kútim jasaý mańyzdy. Eger balada koronavirýs infektsiiasynyń jeńil túri bolsa, ony arnaiy emdeý qajet emes. Qaýipsizdik rejimin saqtap, jeńil tamaqtanyp, jyly sýsyndy kóp ishý qajet. Ádette, quramynda S, V, D vitaminderi bar jemister men kókónisterdi tutyný usynylady. Balalarda asqynýlar, pnevmoniia az kezdesedi, aýrýhanaǵa jatqyzý jaǵdaiy óte sirek týyndaidy.
Eger balalarda aýrýdan keiin asqynýlar paida bolsa, kóbinese virýstyń ózinen emes, dári-dármekti qoldaný áserinen bolady. Bul virýs tamyrlardy zaqymdaityndyqtan, balalarda mazasyzdyq, depressiia, sharshaý paida bolýy múmkin. Sonymen qatar, infektsiia saldary tolyǵymen belgisiz: koronavirýs júike, endokrindik jáne reprodýktivti júielerge de áser etýi múmkin.
«Náresteler COVID-19-ben sirek aýyrady. Olarda jeńil túrde ótip, temperatýra jáne azdaǵan jótel bolýy múmkin. Bul jaǵdaida kóbinese anasynyń immýnitetine bailanysty. Eger anasynda jaqsy immýnitet bolsa, bala ómiriniń birinshi jylynda onyń antideneleri kóptegen infektsiialardan qorǵaidy. Eń bastysy – bóten adamdardyń nárestemen qarym-qatynasyn azaitý qajet. Bóten adamdarmen qarym-qatynasta sábiler jii stress alady, bul olardyń immýnitetine teris áser etedi.
Ázirge balalar arasynda koronavirýs infektsiiasynyń saldary týraly naqty aqparat joq. Aýrýdan keiin balalar aǵzasynyń kúsh-qýatyn tolyqtyryp, durys tamaqtanyp, belsendi demalyp jáne balalardyń jas sanatyna qarai kún tártibin saqtaý kerek. COVID-19 qaita juqtyrmaý úshin barlyq aldyn-alý sharalaryn saqtai otyryp, balalardyń densaýlyǵyn saqtaý qajet», - deidi Nur-Sultan qalasynyń sanitarlyq-epidemiialyq baqylaý departamenti.
