Koronavirýs juqtyrǵan ministr Densaýlyq saqtaý ministri Eljan Birtanovtyń mindetin orynbasary Lázzat Aqtaeva atqarady. Bul týraly vedomstvonyń resmi ókili Dias Ahmetshárip málim etti, dep habarlaidy "Ult aqparat".
«Densaýlyq saqtaý ministri Eljan Amantaiuly Birtanov koronavirýs infektsiiasyn juqtyryp, «pnevmoniia» diagnozymen aýrýhanaǵa jatqyzyldy. Eki kún boldy. Dárigerler onyń densaýlyq jaǵdaiyn ortasha dep baǵalap otyr. Jalpy Eljan Amantaiuly klinikalyq hattamaǵa sai em-domyn qabyldaýda. Aǵzasy virýsqa qarsy terapiiany jaqsy kóterýde. Emin qabyldaǵannan keiin, jazylyp, óz jumysyna kirisedi degen oidamyz», - dedi QazAqparat tilshisine telefon arqyly Dias Ahmetshárip.
Onyń habarlaýynsha, Eljan Birtanov aýrýhanada jumysyn qashyqtan júrgizip, shtab qyzmetin rettep otyr.
Búginnen bastap onyń mindetin ýaqytsha orynbasary Lázzat Aqtaeva atqarady.
Eske sala ketsek, osydan eki kún buryn Densaýlyq saqtaý ministri Eljan Birtanov Facebook-paraqshasynda koronavirýs juqtyrǵanyn habarlaǵan edi.
12 maýsymda QR Premer-Ministri Asqar Mamin Jambyl oblysyna jumys saparymen baryp qaitqan. Onda Densaýlyq saqtaý ministri E. Birtanov ta bolǵan. Osyǵan bailanysty Úkimet basshysy oqshaýlanýǵa májbúr bolyp otyr.
Áriptesterimen birge Bilim jáne ǵylym ministri Ashat Aimaǵambetov, Aýyl sharýashylyǵy ministri Saparhan Omarov pen QR Ekologiia, geologiia jáne tabiǵi resýstar ministri Maǵzum Myrzaǵaliev óz úilerinde oqshaýlandy.
