627 adam koronavirýs infektsiiasyna qarsy «QazCovid-in» qazaqstandyq vaktsinasynyń klinikalyq synaqtanyna qatysýǵa ótinim berdi, dep habarlaidy "Ult aqparat".
«Qujattardy qabyldaý osy jyldyń 10 qyrkúieginde aiaqtalady. Búgingi kúni 627 adam biz jasaǵan vaktsinany ózderine saldyrýǵa niet bildirdi. Birinshi kezeńde biz 44 adamdy, ekinshisinde 240 adamdy irikteýdi josparlap otyrmyz. Biz vaktsina týraly joǵary habardarlyqqa, qazaqstandyqtardyń jaǵymdy motivatsiiasy men patriotizmine qýanyshtymyz. Mundai senim is júzindegi qoldaý ǵana emes, sonymen qatar biz siiaqty óndirýshi úshin jáne búkil qazaqstandyq ǵylymǵa úlken moraldyq qoldaý bolatyny anyq. 627 adamnyń árqaisysy, tipti olar eriktiler qataryna kirmese de, biz úshin batyr deýge bolady. Biz olarǵa barlyq qazaqstandyqtardyń densaýlyǵy men qaýipsizdigin saqtaýǵa qosqan jeke úlesi úshin óte rizamyz», - dedi BQPǴZI bas direktory Kúnsulý Zákáriia.
Eske salsaq, Qazaqstanda 2020 jyldyń 23 naýryzynda COVlD-19-ǵa shaldyqqan alǵashqy patsientten patologiialyq material alynyp, bir aptadan keiin QR BǴM Ǵylym komitetiniń Biologiialyq qaýipsizdik problemalary ǵylymi-zertteý institýty SARS-CoV-2 virýsyn bólip shyǵardy.
2020 jyldyń 9 mamyrynda COVlD-19-ǵa qarsy kanditat inaktivtelgen vaktsina ázirleý boiynsha jumys aiaqtalyp, onyń hattamasy Dúniejúzilik densaýlyq saqtaý uiymyna jiberildi.
15 mamyrda DDSU aldyn ala tekserýden keiin ony klinikaǵa deiingi synaqqa jiberilgen kandiat vaktsinalar tizimine qosyp, vaktsina jáne ázirleýshi týraly aqparatty resmi saitynda ornalastyrdy.
2020 jyldyń 15 mamyrynda zerthanalyq tyshqan, siriialyq atjalman, teńiz shoshqasy, kúzen jáne úi qoianyna kandidat vaktsinany klinikaǵa deiingi synaq bastaldy. Klinikaǵa deiingi synaq vaktsinanyń DDSU reglamenttegen barlyq parametrler, atap aitqanda ýyttylyǵy, dert týyndatýshylyǵy, allergendiligi, immýnogendigi boiynsha DDSU talaptaryna jáne Qazaqstan Respýblikasynyń memlekettik farmakopiiasyna sai keletindigin kórsetti.
2020 jyldyń 26 shildesinde vaktsinanyń 5 ázirleýshisi tiri virýspen jumys isteý barysynda qaýipsizdikterin qamtamasyz etý úshin erikti túrde vantsinany ózderinde synady. Birneshe táýlik ótkennen keiin olar ózderin jaqsy sezinip, dene qyzýy men allergiiasy bolmaǵan.
Otandyq vaktsinanyń klinikaǵa deiingi synaǵy biylǵy 20 tamyzda aiaqtalyp, nátijesi QR Densaýlyq saqtaý ministrligine beriletini buǵan deiin málim etilgen edi.
QR Densaýlyq saqtaý ministrliginen ruqsat alynǵannan keiin 2020 jyldyń 20 qyrkúieginde Almaty qalasyndaǵy klinikanyń bazasynda COVID-19-ǵa antidenesi joq 44 eriktige klinikalyq synaq (I faza) bastalatyndyǵy kútiledi.
Sonymen qatar, qazaqstandyq vaktsinanyń synaǵyna qatysatyn eriktilerge qandai talap qoiylatyndyǵy aityldy. Qyrkúiekte 244 eriktige qazaqstandyq vaktsina salynbaq.
