Koronavirýspen kúresý boiynsha daǵdarysqa qarsy sharalar aiasynda bólingen qarjyny jymqyrǵan kúdiktiler qamaýǵa alyndy. Bul týraly Antikor News jobasynyń tikelei efirinde aityldy, dep habarlaidy QazAqparat.
«Almaty oblysy boiynsha Sybailas jemqorlyqqa qarsy qyzmet Almaty oblysy Densaýlyq saqtaý basqarmasynyń «Oblystyq jedel jáne shuǵyl meditsinalyq járdem stantsiiasy» ShJQ MKK direktoryna, sondai-aq onyń orynbasaryna qatysty aýyr sybailas jemqorlyq qylmys jasady degen kúdik boiynsha sotqa deiingi tergeýdi bastady», - deidi Agenttiktiń apparat basshysy Qýanysh Japaqov.
Onyń aitýynsha, olar koronavirýs pandemiiasymen kúresý boiynsha daǵdarysqa qarsy sharalar aiasynda «Densaýlyq» memlekettik baǵdarlamasy boiynsha bólingen arnaiy jedel járdem avtomashinasyn jóndeý boiynsha qyzmetter kórsetkeni úshin jasalǵan shart boiynsha oryndalǵan jumystar aktisine qol qoiý arqyly jalpy somasy 3 024 930 teńge biýdjet qarajatyn jymqyrdy dep kúdiktelýde.
«Biyl 23 tamyzda «Oblystyq jedel jáne shuǵyl meditsinalyq járdem stantsiiasy» ShJQ MKK direktory men onyń orynbasaryna qatysty «qamaýda ustaý» bultartpaý sharasy qabyldandy. Tergeý jalǵasýda», - deidi ol.
