QR Bas memlekettik sanitar dárigeri Aijan Esmaǵambetova jumys ornynda COVID-19 juqtyrǵan meditsina qyzmetkerlerine tólem jasaý jaiynda aityp berdi, dep habarlaidy "Ult aqparat".
«Densaýlyq saqtaý ministri men Eńbek jáne halyqty áleýmettik qorǵaý ministriniń birlesken buiryǵy bar. Onda ótemaqy tóleý men osy qujattardy qaraýdyń tártibi eskerilgen. Óńirlik komissiialar bar ekenin atap ótken jón. Osy komissiialar árbir meditsina qyzmetkeriniń qujattar paketin qarastyrady», - dedi ol búgin Ortalyq kommýnikatsiialar qyzmetinde.
Osy oraida ol tólem boiynsha sheshim shyǵarylsa, atalǵan qujattar toptamasy Eńbek ministrliginiń júiesene engiziletinin aitty.
«Densaýlyq saqtaý ministrligi qarastyrylǵan ári maquldanǵan tólemderge kún saiyn monitoring júrgizedi. Bizdiń málimetke qarasaq, keshegi kúnge deiin 500 meditsina qyzmetkerine tólem jasaldy. Atalǵan komissiialardyń jumysy turaqty jumys isteýde», - dedi A. Esmaǵambetva.
