«Áleýmettik meditsinalyq saqtandyrý qory» KEAQ Basqarma tóraǵasynyń orynbasary Marat Shoranov koronavirýs infektsiiasyna kimder tegin test tapsyra alatynyn aitty, dep habarlaidy QazAqparat.
Áleýmettik jelide onlain rejimde ótken baspasóz máslihatynda Mindetti áleýmettik meditsinalyq saqtandyrý boiynsha saqtandyrylǵan adamdar koronavirýsqa testini qashan tapsyra alatyndyǵy týraly saýal joldandy.
«Koronavirýs asa qaýipti infektsiialar tobyna jatady. Sáikesinshe, elde tiisti sharalar qabyldanady. Qazirgi kezde testiler tapsyrý múmkindigi júzege asyrylǵan. Tiisti qarjy bastapqy meditsinalyq-sanitarlyq kómek kórsetetin uiymdarǵa jetkizildi. Aýrý belgileri baiqalsa, iaǵni dene qyzýynyń kóterilýi, qurǵaq jótel jáne basqa da belgiler kezinde bastapqy meditsinalyq-sanitarlyq kómek deńgeiinde testileý júrgizýge bolady. Sonymen qatar, eger adam provizorlyq, infektsiialyq nemese karantindik statsionarǵa tússe, onda emdeý hattamasy boiynsha atalǵan testilerdi tolyqtai tegin ótedi», - dedi M. Shoranov.
Osy oraida ol búginde testiden ótý múmkindigi qamtamasyz etilgenin aitty.
«Jalpy, bas sanitarlyq dárigeriniń qaýlysy boiynsha mindetti túrde testileýden ótetin patsientter sanaty bar. Bul turǵyda júkti áielder, sondai-aq endokrindi, kardiologiialyq ári pýlmonologiialyq bólimderge túsetin adamdar qamtylǵan», - dedi Marat Shoranov.
