Koronavirýsqa qatysty jańartylǵan málimetter tórt tsifrǵa negizdeledi. Bul týraly QR Densaýlyq saqtaý ministrliginiń resmi ókili Baǵdat Qojahmetov aitty, dep habarlaidy "Ult aqparat".
«Eger birinshi kod boiynsha bári anyq bolsa, ekinshi jaǵdaida koronavirýsqa birneshe belgiler boiynsha diagnoz qoiý kerek, olar: epidemiologiialyq jáne klinikalyq belgiler. Epidemiologiialyq belgiler - patsient aýrý juqtyrǵan adamdarmen naqty bailanysta bolǵan kezde, klinikalyq belgileri - dene qyzýy, qurǵaq jótel. Biz el boiynsha jinalǵan málimet 2 tamyzdan bastap kúndelikti usynyp otyramyz. Málimetter tórt tsifrǵa negizdeledi. Birinshi kórsetkish - koronavirýs PTR synaǵymen rastalǵan patsientter, ekinshisi - ólim jaǵdailary, úshinshisi - PTR synamalarymen dáleldenbegen yqtimal aýyrǵan patsientter, tórtinshisi - PTR synamalarymen dáleldenbegen biraq ólim nátijeleri kórsetken jaǵdailar», - deidi ol.
Buǵan deiin, Baǵdat Qojahmetov jańartylǵan koronavirýs statistikasy 2 tamyzda jariialanatynyn aitty.
