QR Densaýlyq saqtaý ministrliginiń resmi ókili Dias Ahmetshárip koronavirýs indeti týraly jalǵan aqparat taratpaýdy surady, dep habarlaidy QazAqparat.
«Qorqynysh týdyratyn habar taratýdy toqtatyńyzdar. Olardyń bári qaýesetke toly ekenin taǵy da eskertemiz. Adamdardy shatastyrý jaqsylyqqa aparmaidy. Sondyqtan da resmi aqparattarǵa ǵana súienińizder. Halyqaralyq uiymdar koronavirýs týraly 200-ge jýyq jalǵan aqparatty tirkedi. Qaýesetter men jalǵan aqparattardy taldai otyryp, olardyń shyndyqqa janaspaitynyn aiqyn dáleldegen jýrnalister men blogerlerge alǵysymyzdy bildiremiz», - dedi Dias Ahmetshárip Qazmedia ortalyǵynda ótken brifingte.
Onyń aitýynsha, Densaýlyq saqtaý ministrligi koronavirýs jaǵdaiy týraly kún saiyn resmi aqparat taratady.
«Men búginnen bastap QR Densaýlyq saqtaý ministrliginiń resmi ókili bolyp taǵaiyndaldym. Biz koronavirýske bailanysty jaǵdaidy halyqqa jedel jariialap otyrý úshin osy kommýnikatsiialyq alańdy qurdyq. Ár jumys kúni, saǵat 16.00-de Densaýlyq saqtaý ministrliginiń resmi ókili retinde sizderge kúndelikti jaǵdaidy túsindirip otyramyn. Biz barlyq azamattar men jýrnalisterden úrei týǵyzatyn jalǵan aqparat taratýdy toqtatýdy suraimyz. Sondyqtan da Prezident, Úkimet jáne Densaýlyq saqtaý ministrliginiń saittary siiaqty resmi derekkózderdi paidalanýdy ótinemiz», - dedi D. Ahmetshárip.
Buǵan deiin ministrliktiń resmi ókili Ýhan qalasynan evakýatsiialanǵan stýdentterdiń aýrýhanadan qashan shyǵarylatynyn aitqan edi.
Onyń aitýynsha, 94 adam dene qyzýy men JRVI shaǵymymen oqshaýlanǵan aýrýhanaǵa jatqyzyldy.
