قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ دياس احمەتشەرٸپ كوروناۆيرۋس ٸندەتٸ تۋرالى جالعان اقپارات تاراتپاۋدى سۇرادى, دەپ حابارلايدى قازاقپارات.
«قورقىنىش تۋدىراتىن حابار تاراتۋدى توقتاتىڭىزدار. ولاردىڭ بەرٸ قاۋەسەتكە تولى ەكەنٸن تاعى دا ەسكەرتەمٸز. ادامداردى شاتاستىرۋ جاقسىلىققا اپارمايدى. سوندىقتان دا رەسمي اقپاراتتارعا عانا سٷيەنٸڭٸزدەر. حالىقارالىق ۇيىمدار كوروناۆيرۋس تۋرالى 200-گە جۋىق جالعان اقپاراتتى تٸركەدٸ. قاۋەسەتتەر مەن جالعان اقپاراتتاردى تالداي وتىرىپ, ولاردىڭ شىندىققا جاناسپايتىنىن ايقىن دەلەلدەگەن جۋرناليستەر مەن بلوگەرلەرگە العىسىمىزدى بٸلدٸرەمٸز», - دەدٸ دياس احمەتشەرٸپ قازمەديا ورتالىعىندا ٶتكەن بريفينگتە.
ونىڭ ايتۋىنشا, دەنساۋلىق ساقتاۋ مينيسترلٸگٸ كوروناۆيرۋس جاعدايى تۋرالى كٷن سايىن رەسمي اقپارات تاراتادى.
«مەن بٷگٸننەن باستاپ قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ بولىپ تاعايىندالدىم. بٸز كوروناۆيرۋسكە بايلانىستى جاعدايدى حالىققا جەدەل جارييالاپ وتىرۋ ٷشٸن وسى كوممۋنيكاتسييالىق الاڭدى قۇردىق. ەر جۇمىس كٷنٸ, ساعات 16.00-دە دەنساۋلىق ساقتاۋ مينيسترلٸگٸنٸڭ رەسمي ٶكٸلٸ رەتٸندە سٸزدەرگە كٷندەلٸكتٸ جاعدايدى تٷسٸندٸرٸپ وتىرامىن. بٸز بارلىق ازاماتتار مەن جۋرناليستەردەن ٷرەي تۋعىزاتىن جالعان اقپارات تاراتۋدى توقتاتۋدى سۇرايمىز. سوندىقتان دا پرەزيدەنت, ٷكٸمەت جەنە دەنساۋلىق ساقتاۋ مينيسترلٸگٸنٸڭ سايتتارى سيياقتى رەسمي دەرەككٶزدەردٸ پايدالانۋدى ٶتٸنەمٸز», - دەدٸ د. احمەتشەرٸپ.
بۇعان دەيٸن مينيسترلٸكتٸڭ رەسمي ٶكٸلٸ ۋحان قالاسىنان ەۆاكۋاتسييالانعان ستۋدەنتتەردٸڭ اۋرۋحانادان قاشان شىعارىلاتىنىن ايتقان ەدٸ.
ونىڭ ايتۋىنشا, 94 ادام دەنە قىزۋى مەن جرۆي شاعىمىمەن وقشاۋلانعان اۋرۋحاناعا جاتقىزىلدى.
