Ulybritaniia koronavirýsqa bailanysty engizgen shekteýlerdi jeńildetýde. Daniia halyqty jappai testileýden ótkizip jatyr, dep habarlaidy "Ult aqparat".
Ulybritaniia birtindep qalypty ómirge orala bastady. Munda 17 mamyrdan bastap pabtar, barlar men meiramhanalar klientterge tek terrassalarda ǵana emes, sonymen qatar úi-jailardyń ishinde de qabyldai alady. Ashyq aýada 30 adamǵa deiin toptyq jinalýǵa ruqsat etiledi. Kinoteatrlar jumysyn qaita bastaidy.
⠀
Al Irlandiiada biliktiń jospary boiynsha respýblikanyń myńdaǵan azamaty uzaq merzimdi oqshaýlanýdan keiin jumys oryndaryna oralady. Dúkender, mádeni mekemeler, murajailar kezeń-kezeńimen ashylady. Bilik bul jeńildikter halyqqa jańa serpin beretinine úmitti.
Italiianyń barlyq óńiri koronavirýstyń taralý qaýpi tómen «sary» aimaqta ornalasqan. Eldiń birqatar óńirinde shekteýler jeńildetildi. Al Sitsiliia, Sardiniia jáne Valle-d'Aosta turǵyndary úshin qatań karantin rejimi áli bir aptadai saqtalady.
Daniialyqtar koronavirýsty testileý pýnkterinde jappai tekserilýde. Bilik tańdaǵan strategiiaǵa sáikes bul protsess karantin talaptaryn jeńildetýmen qatar júrgiziledi. Teris nátijeli PTR-test jáne ekpe alǵandyǵy týraly sertifikattyń bolýy jergilikti meiramhanalarǵa, sport zaldaryna, kinoteatrlar men jumysyna ruqsat etilgen ózge de mekemelerge esh kedergisiz kirýge múmkindik beredi.
