Biologiialyq qaýipsizdik problemalary ǵylymi-zertteý institýtynyń ǵalymdary koronavirýsqa qarsy vaktsinanyń bes túrin ázirlep jatyr. Institýttyń bas direktory Kúnsulý Zakariia QazVac-tan ózge tórt vaktsinanyń qazir qandai satyǵa shyqqanyn aitty, dep habarlaidy "Ult aqparat".
«Ǵalymdar bir ýaqytta bes túrli platformada bes túrli vaktsina ázirlep jatyr. QazCOVID-in nemese QazVac týraly bárin bilesizder dep oilaimyn. Ekinshisi – sýbýnittik vaktsina. Búgingi tańda ol biologiialyq qaýipsizdik máseleleri institýtynyń bazasynda janýarlarǵa egilip, klinikaǵa deiingi kezeńnen tolyq ótti. Dárilik zattardy saraptaý ulttyq ortalyǵynda memlekettik saraptamadan da sátti ótti. Olar da oń qorytyndysyn berdi. Endi atalǵan sýbbirlikti vaktsina klinikalyq zertteýdiń birinshi kezeńine shyǵady», - dedi Kúnsulý Zakariia.
Institýttyń bas direktory ózge vaktsinalar týraly da aitty.
«Bizde bir mezgilde eki vektorlyq vaktsina ázirlenýde. Bireýi tumaý vektory negizinde, ekinshisi virýstyń kapripoks vektorynda jasaldy. Qazir bul eki vaktsina janýarlarǵa egilip, klinikaǵa deiingi synaqtardan ótip jatyr. Vaktsinanyń besinshi túri – «tiri» vaktsina. Biz álemde birinshi bolyp álsiretilgen vaktsinany alýǵa tyrysamyz. Júzden astam synamanyń ishinen iriktep aldyq. Jýyq arada ony da janýarlarǵa egip, klinikaǵa deiingi zertteýge shyǵaramyz», - dedi Kúnsulý Zakariia.
Ǵalymnyń aitýynsha, ázirlenip jatqan tórt vaktsinany saqtaý tehnologiiasy QazCOVID-in (QazVac) vaktsinasynan ózgeshe bolady.
Eske salsaq, QazVac 2-den 8 gradýsqa deiingi temperatýrada saqtalýy kerek.
