Almaty qalalyq qoǵamdyq densaýlyq saqtaý basqarmasynyń basshysy Nariman Tabynbaev brifing barysynda koronavirýsqa qarsy Pfizer vaktsinasy qandai jaǵdaida saqtalýy kerektigin túsindirdi, dep habarlaidy QazAqparat.
Nariman Tabynbaev Almatydaǵy barlyq 137 egý pýnktine Pfizer vaktsinasy jetkiziletinin atap ótti.
«Úkimet birinshi kezeńde vaktsinalanatyn úsh basym topty anyqtap berdi. Qazir qalaǵa Pfizer preparatyn ákelý josparda. Sonymen qatar, bul vaktsinany mektepterge barý arqyly júrgizýge ruqsat etiledi. Aita keteiin, vaktsinatsiia erikti túrde jáne ata-analardyń kelisimimen júrgiziledi», - dedi spiker.
Sonymen qatar, ol vedomstvoda vaktsinany saqtaý boiynsha naqty nusqaýlar bar ekenin tilge tiek etti.
«Pfizer vaktsinasy – 60-90 gradýs temperatýrada saqtalýy tiis. Bul ázirleýshilerdiń basty talaby. Eritilgennen keiin ampýlalardy 2-8 gradýs temperatýrada saqtaýǵa bolady. Preparatty jalpy alǵanda 30 kúnge deiin sýyq tizbekti saqtai otyryp qoldanýǵa bolady, osy ýaqyt ishinde ol óziniń qasietterin saqtaidy», - dep tolyqtyrdy Nariman Tabynbaev.
