Elimizde koronavirýs qarsy qaldonylyp jatqan dári-dármektiń 48 paiyzy Qazaqstanda óndiriledi, dep habarlaidy QazAqparat.
«SQ-Farmatsiia» JShS basqarma tóraǵasy Erhat Esqaliev ortalyq kommýnikatsiialar qyzmetinde ótken brifingide osyndai málimet berdi.
«Úkimet salany damytýdyń 2025 jylǵa deiingi keshendi josparyn iske asyryp jatyr. Búgingi tańda qazaqstandyq óndirýshiler Dúniejúzilik densaýlyq saqtaý uiymynyń jikteýi boiynsha ómirlik mańyzdy dárilerge jatatyn bazalyq preparattardy shyǵarýdy jolǵa qoidy. Mysaly, koronavirýsty emdeý hattamasyna kiretin dári-dármekterdiń 48%-y otandyq ónimder», - dedi biryńǵai distribiýter basshysy.
Sonymen qatar, Erhat Esqaliev vaktsina egetin shpritsterdi de biryńǵai distribiýter jetkizetinin eske saldy.
«Biryńǵai distribiýter vaktsinatsiia júrgizý úshin 19,8 mln shprits satyp aldy. Onyń ishinde kompaniianyń qoimalaryna 11,4 mln shprits jetkizildi», - dedi kompaniia basshysy.
