Koronavirýsqa qarsy otandyq vaktsina klinikalyq zertteýdiń úshinshi fazasyna keldi. Bul týraly QR Bilim jáne ǵylym ministri Ashat Aimaǵambetov aityp berdi, dep habarlaidy "Ult aqparat".
«Otandyq vaktsina klinikaǵa deiingi zertteýden ótti. Birinshi jáne ekinshi fazadan ótip, klinikalyq zertteýdiń sheshýshi úshinshi fazasyna keldi. Biz bárin hattamaǵa, halyqaralyq standartqa jáne talaptarǵa sáikes jasap jatyrmyz. Barlyq printsip pen normany saqtaýymyz kerek. Bul - óte mańyzdy, óitkeni áńgime halyqtyń qaýipsizdigi jaiynda bolyp otyr, sondyqtan biz árbir rásimi boiynsha barlyq talapty saqtaimyz. Naýryz aiynyń ortasynda bul vaktsinany shyǵaryp, azamattardy vaktsinalai bastaýdy josparlap otyrmyz», - dep jaýap berdi Bilim ministri tilshi suraǵyna.
Aita keteiik, 2020 jylǵy jeltoqsan aiynyń sońyna deiin úsh myń eriktini vaktsinatsiialaý aiaqtalatyn bolady. III kezeńdi ótkizý úshin 10 myń doza kóleminde vaktsinanyń qajetti partiiasy shyǵarylǵan.
Otandyq vaktsinany jappai egý 2021 jyldyń naýryz aiynda bastalady. Birinshi kezekte erikti túrde meditsina qyzmetkerlerine, pedagogterge, sondai-aq sozylmaly aýrýlarmen aýyratyn toptaǵy adamdarǵa ekpe jasalady.
Buǵan deiin Ashat Aimaǵambetov tamyz aiynda saldyrǵan otandyq ekpeden keiingi densaýlyq jaǵdaiy týraly aityp berdi.
