كوروناۆيرۋسقا قارسى وتاندىق ۆاكتسينا كلينيكالىق زەرتتەۋدٸڭ ٷشٸنشٸ فازاسىنا كەلدٸ. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتىپ بەردٸ, دەپ حابارلايدى "ۇلت اقپارات".
«وتاندىق ۆاكتسينا كلينيكاعا دەيٸنگٸ زەرتتەۋدەن ٶتتٸ. بٸرٸنشٸ جەنە ەكٸنشٸ فازادان ٶتٸپ, كلينيكالىق زەرتتەۋدٸڭ شەشۋشٸ ٷشٸنشٸ فازاسىنا كەلدٸ. بٸز بەرٸن حاتتاماعا, حالىقارالىق ستاندارتقا جەنە تالاپتارعا سەيكەس جاساپ جاتىرمىز. بارلىق پرينتسيپ پەن نورمانى ساقتاۋىمىز كەرەك. بۇل - ٶتە ماڭىزدى, ٶيتكەنٸ ەڭگٸمە حالىقتىڭ قاۋٸپسٸزدٸگٸ جايىندا بولىپ وتىر, سوندىقتان بٸز ەربٸر رەسٸمٸ بويىنشا بارلىق تالاپتى ساقتايمىز. ناۋرىز ايىنىڭ ورتاسىندا بۇل ۆاكتسينانى شىعارىپ, ازاماتتاردى ۆاكتسينالاي باستاۋدى جوسپارلاپ وتىرمىز», - دەپ جاۋاپ بەردٸ بٸلٸم مينيسترٸ تٸلشٸ سۇراعىنا.
ايتا كەتەيٸك, 2020 جىلعى جەلتوقسان ايىنىڭ سوڭىنا دەيٸن ٷش مىڭ ەرٸكتٸنٸ ۆاكتسيناتسييالاۋ اياقتالاتىن بولادى. III كەزەڭدٸ ٶتكٸزۋ ٷشٸن 10 مىڭ دوزا كٶلەمٸندە ۆاكتسينانىڭ قاجەتتٸ پارتيياسى شىعارىلعان.
وتاندىق ۆاكتسينانى جاپپاي ەگۋ 2021 جىلدىڭ ناۋرىز ايىندا باستالادى. بٸرٸنشٸ كەزەكتە ەرٸكتٸ تٷردە مەديتسينا قىزمەتكەرلەرٸنە, پەداگوگتەرگە, سونداي-اق سوزىلمالى اۋرۋلارمەن اۋىراتىن توپتاعى ادامدارعا ەكپە جاسالادى.
بۇعان دەيٸن اسحات ايماعامبەتوۆ تامىز ايىندا سالدىرعان وتاندىق ەكپەدەن كەيٸنگٸ دەنساۋلىق جاعدايى تۋرالى ايتىپ بەردٸ.
