Belgiialyq ýniversitet sarapshysy Leven Korinn Vandermiolenniń aitýynsha, 2021 jyldyń kúzine deiin koronavirýsqa bailanysty túrli saqtyq sharalaryn saqtaýǵa týra keledi, dep habarlaidy QazAqparat tilshisi.
Ýniversitettiń Vaktsinologiia ortalyǵynyń basshysy Leven Korinn Vandermiolenniń oiynsha, 2021 jyldyń kúzine deiin koronavirýsqa qarsy sharalardy baqylaýda ústaýǵa týra keledi.
«Eń aldymen biz túrli vaktsinalarǵa jasalǵan test nátijelerin kútýge tiispiz. Sodan keiin osy vaktsinalar jetkizilip, sońynda vaktsinatsiia baǵdarlamasy qoldanylady. Protsestiń naqty ýaqytyn boljaýǵa áli erte», - dep atap ótti sarapshy.
«2021 jyldyń kúzine deiin qoldy jýyp, qashyqtyqty saqtap, maska taǵýǵa týra keledi», - dep sanaidy Belgiialyq ýniversitettiń Vaktsinologiia ortalyǵynyń basshysy Leven Korinn Vandermiolen.
2021 jylǵy naýryzda Belgiiada Oksford vaktsinasynyń 1,5 mln dozasy qoljetimdi bolmaq.
«Meditsina qyzmetkerlerine, 65 jastan asqan jáne sozylmaly aýrýlary bar adamdarǵa vaktsinany taratýda basymdyq beriledi, biraq bul vaktsinanyń klinikalyq synaq nátijelerine bailanysty bolady», - dep boljaidy sarapshy.
