Koronavirýs infektsiiasyna 20-40 jasqa deiingi jastar jii shaldyǵady. Bul týraly Almatynyń №8 emhanasynyń bas dárigeri Farida Aǵybaeva aitty, dep habarlaidy QazAqparat.
Onyń aitýynsha, virýs juqtyrǵandardyń 37%-y – 20 men 40 jas aralyǵyndaǵy azamattar.
«Qazir balalardyń koronavirýsty jeńil qabyldaityny anyqtaldy. Biraq 6-12 aidan keiin kópshiliginde postkovidti sindrom paida bolady. Ol kez kelgen organǵa áser etedi ári dert óte aýyr bolady. Sondyqtan ata-analar barynsha saq bolýylary tiis. Kóbinese syrqattanǵan balalardyń qanynda immýnoglobýlin M tappaitynymyzdy eskergen jón (bul kovidti kórsetedi). Sonymen qatar, biraz ýaqyttan keiin denede qorǵanysh deneleri (immýnoglobýlin G) paida bolady. Olar tasymaldanatyn koronavirýs týraly aitady. Bul – jumbaq», - deidi Aǵybaeva.
Dáriger málim etkendei, bir jasqa deiingi jáne sozylmaly patologiiasy bar balalar koronavirýspen jii aýyrady. Buǵan deiin Almaty qalasynyń Sanitarlyq-epidemiologiialyq baqylaý departamenti sońǵy eki aptada naýqastardyń jasyna taldaý jasalǵanyn, oǵan sáikes jasóspirimder arasynda KVI infektsiiasynyń úlesi 0,7%-ǵa jáne 40-59 jastaǵy azamattarda 0,8%-ǵa óskenin habarlaǵan bolatyn.
Negizinen, koronavirýs infektsiiasy 20-40 jasqa deiingi jastarda - 37%, 40-59 jastaǵy azamattarda - 25%, 60 jastan asqan adamdarda - 19% jáne 14 jasqa deiingi balalarda - 13% kezdesedi.
«Kóbinese koronavirýs otbasynda juǵady, balalar ata-anasynan juǵýy múmkin. Sondyqtan, búginde balalardyń qoǵamdyq oryndarǵa barýyn shekteýge tyrysý kerek. Olardy ózińizben dúkenderge aparmańyz jáne olarmen qoǵamdyq kólikpen sirek júrińiz. Al qazir ata-analar úshin koronavirýsqa qarsy vaktsina alý mańyzdy. Bul, balalardyń indetti juqtyrmaý múmkindigin arttyrady», - dedi Aǵybaeva.
Bas dáriger betperde rejimin saqtaýdyń óte mańyzdy ekenin aitty. Mysaly, matadan jasalǵan birrettik meditsinalyq maskalar 3 mkm asatyn aerozolderdiń 95% ustaýǵa qabiletti.
«Diametri kishirek bólshekterdiń tek 5% ǵana qorǵanys qurylǵysyna enip, tynys alý júiesine ene alady. 4 qabatty matadan nemese tyǵyz jasandy kenepten jasalǵan qaita qoldanylatyn maska is júzinde birrettik buiymdar siiaqty tiimdi. Eń aldymen, naýqas betine JQQ kiiýi kerek, osylaisha aýzynan jáne murnynan shyqqan fiziologiialyq suiyqtyq betperdede qalady», - deidi Aǵybaeva.
Deni saý adam da betperde taǵýy tiis. Sebebi naýqas adamnan nemese virýsty tasymaldaýshydan juqtyrýy múmkin. Birrettik maskany 2-3 saǵat boiy taǵýǵa bolady. Qaita qoldanýǵa bolatyn maskany birneshe ret taǵýǵa bolady. Qoldanǵannan keiin ony untaq pen dezinfektsiialaýshy qosylǵan ystyq sýmen jýyp, keptirip, útikteý kerek.
