Almaty Ftiziopýlmonologiia ortalyǵynyń juqpaly aýrýlar bóliminiń meńgerýshisi, ftiziohirýrg, pýlmonolog Abzal Malbasqanov onlain suhbat kezinde adamnyń iis, dám sezý múmkindiginiń tómendeýine qatysty tájiribesimen bólisti, dep habarlaidy QazAqparat.
Dárigerdiń aitýynsha, ókpeniń densaýlyǵyna keri yqpal etetin faktorlardyń ishinde temeki men qorqor da bar.
«Qorqor shegý adam aǵzasyna ziian. Ony adamdar qoǵamdyq oryndarda shegedi. Onyń ishinde týberkýlez dertine shaldyqqan kisilerden keiin shekken adamdar aýrý juqtyrady. Qorqordy arnaiy eritindimen birneshe saǵatqa zararsyzdandyrý kerek», - dedi dáriger.
Qorqor ókpe qabynýyna ákelýi múmkin.
«Qorqor ókpege óte ziiandy. Bul turǵydan ǵylymi zertteýler jasalǵan. Temeki shegý ókpeniń irińdeýine soqtyrady», - dedi ol.
Ftiziohirýrg iis jáne dám sezý qabileti joǵalǵan adamdarǵa qatysty jaýap berdi.
«Dezinfektsiialyq quraldardy shashqanda allergiialyq reaktsiia bolýy yqtimal. Qysqa ýaqytqa iis sezý qabileti tómendeýi múmkin. Biraq, allergiianyń sebebinen dám sezý qabiletin joǵaltý sirek kezdesedi. Muryn qurǵaq bolsa da, adam iis sezý qabiletinen airylsa, ol koronavirýs simptomy bolýy yqtimal», - dedi Abzal Malbasqanov.
Ókpeniń zaqymdanýy problemasymen jii ainalysatyn maman óziniń dárigerlik baqylaýymen bólisti.
Onyń aitýynsha, koronavirýs juqtyrǵan adamda kúmán bolsa, tiliniń túsinen anyqtaýǵa bolady.
«Adamda kúmán bolsa, ainaǵa qarap, tilin kórýi kerek. Tiliniń túsi qaraiyp tursa, koronavirýs bolýy múmkin. Bul aǵzanyń jaǵdaiyn kórsetedi», - dedi dáriger.
