QR Premer-Ministriniń orynbasary Eraly Toǵjanov eldegi koronavirýs infektsiiasy ahýaly týraly baiandady, dep habarlaidy QazAqparat.
«Ázirge eń mańyzdy másele vaktsinalaý bolyp otyr, aitarlyqtai kúrdeli jaǵdai joq. Degenmen, naýqastar sany kóbeise, maska taǵý rejimine qaita oralýymyz múmkin. Qazir táýligine 100 adamǵa deiin naýqastar sany artyp keledi, sondyqtan másele joq emes, bar. Karantin talaptaryn kúsheitý máselesin vedomstvoaralyq komissiianyń otyrysynda kóteremiz. Tek qana maska taǵý jóninde emes, jalpy sharalar týraly», - dep jaýap berdi Toǵjanov Májilis kýlýarynda tilshilerge bergen jaýabynda.
Eske sala ketsek, Qazaqstanda ótken táýlikte 137 adam koronavirýs juqtyrdy.
