Sońǵy 25 kúnniń ishinde elordada koronavirýstan kóz jumǵandardyń jasy 5 jylǵa «jasarǵan». Bul týraly Kópbeiindi meditsinalyq ortalyq direktorynyń orynbasary Sáýle Atyǵaeva ortalyq kommýnikatsliaar qyzmetinde aitty, dep habarlaidy QazAqparat.
«30 maýsymdaǵy jaǵdai boiynsha pandemiia bastalǵannan beri Nur-Sultan qalasynda 64 723 koronavirýs infektsiiasynyń jaǵdaiy tirkeldi. 678 jańa jaǵdai tirkelip otyr. Statsionarlardyń daiyndyǵyna kelsek, 2001 tósegi bar 14 statsionar jumyldyrylyp otyr. Infektsiialyq statsionarlardyń júktelimi sońǵy bir aida aitarlyqtai ósip, 75 paiyzǵa jetti. Koronavirýs infektsiiasy rastalǵan diagnozben 1340 patsient jatyr. Reanimatsiia bólimshelerinde 119 emdelýshi em alýda. Onyń ishinde 23 emdelýshi asa aýyr jaǵdaida bolǵandyqtan, jasandy ókpe jeldetkishine jalǵandy. 3750 naýqas ambýlatoriialyq baqylaýǵa alyndy», - dedi oratlyq direktorynyń orynbasary.
Kópbeiindi meditsinalyq ortalyq ókili sońǵy 5 aidaǵy epidemiologiialyq statistikaǵa taldaý jasaǵandaryn aitady.
«5 ai ishinde ambýlatoriialyq rejimde 30 myńnan astam adam emdeldi. Osynyń arqasynda infektsiialyq statsionarlardyń júktelimin birqalypty ustap tura aldyq. Búginge deiin solai bolyp keldi. Virýs infektsiiasynyń «jasarǵanyn» kórip otyrmyz. Sońǵy 5 ai men maýsymnyń 25 kúnindegi syrqattaný derekterin taldai otyryp, sáýir aiymen salystyrǵanda neǵurlym jas adamdardyń aýrýhanaǵa túsip jatqanyn ańǵardyq. 30-40 jas aralyǵyndaǵy adamdar statsionarǵa jii túsetin boldy», - dedi Sáýle Atyǵaeva.
Onyń aitýynsha, sáýirmen salystyrǵannyń ózinde maýsymda reanimatsiiaǵa túskenderdiń jasy bir aiǵy kórsetkishten 10 jasqa kishi bolyp shyqqan. Osynyń áserinen reanimatsiialyq tósekterdiń júktelimi 65 paiyzǵa deiin artqan.
«Búginde qaiǵyly jaǵdailardyń sáýir aiyna qaraǵanda 5 jylǵa «jasarǵanyn» kórip otyrmyz. Iaǵni qorytyndylasaq, qazir koronaviýrs infektsiiasynyń klinikalyq aǵysy ózgeriske ushyrap jatyr deýge bolady. Ókpeniń zaqymdalýy da burynǵydan jyldam qarqynmen júretinin baiqap otyrmyz. Kopiýterlik tomagrafiiaǵa túsken kezde 5-10 paiyz zaqymmen túsken patsientterde 3-4 kúnniń ishinde emdik sharalarǵa qaramastan 60-70 paiyz zaqymdalý kezdesip jatyr», - dedi maman.
Sondai-aq, ol ókpeniń zaqymdalýynan bólek, mi men júrektiń, búirek pen asqazan-ishek júiesiniń, býyndar men júike júiesiniń zaqymdalýy siiaqty sindromdar da jiilegenin atady.
«Estýden qalý sindromdary kezdesip jatyr. Osynyń bárinen qorǵanýdyń eń tiimdi ári jalǵyz joly vaktsinatsiia degen qorytyndyǵa kelýge bolady», - dedi sarapshy.
