سوڭعى 25 كٷننٸڭ ٸشٸندە ەلوردادا كوروناۆيرۋستان كٶز جۇمعانداردىڭ جاسى 5 جىلعا «جاسارعان». بۇل تۋرالى كٶپبەيٸندٸ مەديتسينالىق ورتالىق ديرەكتورىنىڭ ورىنباسارى سەۋلە اتىعاەۆا ورتالىق كوممۋنيكاتسلياار قىزمەتٸندە ايتتى, دەپ حابارلايدى قازاقپارات.
«30 ماۋسىمداعى جاعداي بويىنشا پاندەمييا باستالعاننان بەرٸ نۇر-سۇلتان قالاسىندا 64 723 كوروناۆيرۋس ينفەكتسيياسىنىڭ جاعدايى تٸركەلدٸ. 678 جاڭا جاعداي تٸركەلٸپ وتىر. ستاتسيونارلاردىڭ دايىندىعىنا كەلسەك, 2001 تٶسەگٸ بار 14 ستاتسيونار جۇمىلدىرىلىپ وتىر. ينفەكتسييالىق ستاتسيونارلاردىڭ جٷكتەلٸمٸ سوڭعى بٸر ايدا ايتارلىقتاي ٶسٸپ, 75 پايىزعا جەتتٸ. كوروناۆيرۋس ينفەكتسيياسى راستالعان دياگنوزبەن 1340 پاتسيەنت جاتىر. رەانيماتسييا بٶلٸمشەلەرٸندە 119 ەمدەلۋشٸ ەم الۋدا. ونىڭ ٸشٸندە 23 ەمدەلۋشٸ اسا اۋىر جاعدايدا بولعاندىقتان, جاساندى ٶكپە جەلدەتكٸشٸنە جالعاندى. 3750 ناۋقاس امبۋلاتورييالىق باقىلاۋعا الىندى», - دەدٸ وراتلىق ديرەكتورىنىڭ ورىنباسارى.
كٶپبەيٸندٸ مەديتسينالىق ورتالىق ٶكٸلٸ سوڭعى 5 ايداعى ەپيدەميولوگييالىق ستاتيستيكاعا تالداۋ جاساعاندارىن ايتادى.
«5 اي ٸشٸندە امبۋلاتورييالىق رەجيمدە 30 مىڭنان استام ادام ەمدەلدٸ. وسىنىڭ ارقاسىندا ينفەكتسييالىق ستاتسيونارلاردىڭ جٷكتەلٸمٸن بٸرقالىپتى ۇستاپ تۇرا الدىق. بٷگٸنگە دەيٸن سولاي بولىپ كەلدٸ. ۆيرۋس ينفەكتسيياسىنىڭ «جاسارعانىن» كٶرٸپ وتىرمىز. سوڭعى 5 اي مەن ماۋسىمنىڭ 25 كٷنٸندەگٸ سىرقاتتانۋ دەرەكتەرٸن تالداي وتىرىپ, سەۋٸر ايىمەن سالىستىرعاندا نەعۇرلىم جاس ادامداردىڭ اۋرۋحاناعا تٷسٸپ جاتقانىن اڭعاردىق. 30-40 جاس ارالىعىنداعى ادامدار ستاتسيونارعا جيٸ تٷسەتٸن بولدى», - دەدٸ سەۋلە اتىعاەۆا.
ونىڭ ايتۋىنشا, سەۋٸرمەن سالىستىرعاننىڭ ٶزٸندە ماۋسىمدا رەانيماتسيياعا تٷسكەندەردٸڭ جاسى بٸر ايعى كٶرسەتكٸشتەن 10 جاسقا كٸشٸ بولىپ شىققان. وسىنىڭ ەسەرٸنەن رەانيماتسييالىق تٶسەكتەردٸڭ جٷكتەلٸمٸ 65 پايىزعا دەيٸن ارتقان.
«بٷگٸندە قايعىلى جاعدايلاردىڭ سەۋٸر ايىنا قاراعاندا 5 جىلعا «جاسارعانىن» كٶرٸپ وتىرمىز. ياعني قورىتىندىلاساق, قازٸر كوروناۆيۋرس ينفەكتسيياسىنىڭ كلينيكالىق اعىسى ٶزگەرٸسكە ۇشىراپ جاتىر دەۋگە بولادى. ٶكپەنٸڭ زاقىمدالۋى دا بۇرىنعىدان جىلدام قارقىنمەن جٷرەتٸنٸن بايقاپ وتىرمىز. كوپيۋتەرلٸك توماگرافيياعا تٷسكەن كەزدە 5-10 پايىز زاقىممەن تٷسكەن پاتسيەنتتەردە 3-4 كٷننٸڭ ٸشٸندە ەمدٸك شارالارعا قاراماستان 60-70 پايىز زاقىمدالۋ كەزدەسٸپ جاتىر», - دەدٸ مامان.
سونداي-اق, ول ٶكپەنٸڭ زاقىمدالۋىنان بٶلەك, مي مەن جٷرەكتٸڭ, بٷيرەك پەن اسقازان-ٸشەك جٷيەسٸنٸڭ, بۋىندار مەن جٷيكە جٷيەسٸنٸڭ زاقىمدالۋى سيياقتى سيندرومدار دا جيٸلەگەنٸن اتادى.
«ەستۋدەن قالۋ سيندرومدارى كەزدەسٸپ جاتىر. وسىنىڭ بەرٸنەن قورعانۋدىڭ ەڭ تيٸمدٸ ەرٸ جالعىز جولى ۆاكتسيناتسييا دەگەن قورىتىندىعا كەلۋگە بولادى», - دەدٸ ساراپشى.
