Grekiianyń «Panatinaikos» basketbol klýbynyń quramynda Eýroliga jeńimpazy atanǵan Nikola Pekovich koronavirýs juqtyryp, aýrýhanada aýyr jaǵdaida jatyr, dep habarlaidy serbtiń Telegraf portaly.
Derekkóz málimetine qaraǵanda, 34 jastaǵy Pekovichtiń ókpesi qabynǵan.
Chernogorlyq sportshy eki apta buryn Podgoritsadaǵy aýrýhanalardyń birine jatqyzylǵan, keiinirek jaǵdaiy kúrt nasharlaǵan.
Pekovich óz sporttyq jolynda serbtiń «Atlas», «Avalý», «Partizan» komandalarynda oinaǵan.
Ulttyq basketbol qaýymdastyǵynda jeti jyl qatarynan «Minnesota» komandasy quramynda bolǵan.
Qazirgi ýaqytta ol basketboldan Chernogoriia qurama komandasynyń menedjeri qyzmetin atqarýda.
