Pavlodar oblysynda memlekettik shekara arqyly ótetin tórt avtokólik ótkizý pýnktindegi adamdardyń qozǵalysyn baqylaý jalǵasýda, dep habarlaidy "Ult aqparat" Pavlodarnews.kz saityna silteme jasap.
Sanitarlyq-epidemiologiialyq baqylaý departamentiniń málimetinshe, sońǵy táýlikte shekaradan 639 adam ótken, onyń 294-i jaiaý, 345-i júk kóliginiń júrgizýshileri. 6 qazaqstandyq karantindik statsionarǵa jatqyzyldy.
- «Sharbaqty» shekara beketinde Pavlodar qalasynyń turǵynynda rastalǵan bir jaǵdai anyqtaldy, - delingen habarlamada.
Sondai-aq, TMD-nyń bes azamatyna elge kirýge tyiym salynady, onyń ishinde PTR testiniń teris nátijesin kórsetetin sertifikattardy bermegen 3 Resei Federatsiiasy men Ózbekstannyń eki azamaty bar.
Aita keterligi, shekteýler engizilgennen beri oblysqa 200,1 myń adam keldi, onyń 104,8 myńy halyqaralyq tasymaldaýdy júrgizetin júrgizýshiler jáne 95,3 myń jolaýshy. 41,5 myń PTR zertteýi júrgizildi, aýrýdyń simptomsyz aǵymymen 265 syrttan engizilgen jaǵdai anyqtaldy.
