Almatyda koronavirýspen aýyrǵan áiel ózimen bailanysta bolǵan adamdar týraly málimet berýden bas tartqany úshin qylmystyq jaýapkershilikke tartyldy, dep habarlaidy "Ult aqparat".
«Almaty qalalyq politsiia departamenti koronavirýspen aýyrǵandardyń biri - azamatsha B-nyń sanitarlyq qyzmet jumysyna kedergi keltirip, virýsqa shaldyqqannan keiin ózimen bailanysta bolǵan azamattardyń málimetterin berýden qasaqana bas tartqanyn habarlaidy. Áiel QR Qylmystyq kodeksiniń 304-babynda (Sanitarlyq erejeni nemese gigienalyq normativterdi buzý) kózdelgen qylmystyń belgileri boiynsha qylmystyq jaýapkershilikke tartyldy», - dep atap ótedi qalalyq politsiia departamentinen.
Almaty qalalyq politsiiasy oryn alǵan kúrdeli jaǵdaiǵa bailanysty azamattardy qalalyq qyzmetterge koronavirýs infektsiiasyn anyqtaý jáne aldyn alý boiynsha barynsha járdem kórsetýge jáne júrgizilip jatqan sharalarǵa túsinistikpen qaraýǵa shaqyrady.
Aita keteiik, Memleket basshysy Qasym-Jomart Toqaev Qazaqstan Respýblikasynda 2020 jylǵy 16 naýryzdaǵy 08 saǵat 00 minýt pen 2020 jylǵy 15 sáýirdegi 07 saǵat 00 minýt kezeńinde tótenshe jaǵdai engizý týraly Jarlyqqa qol qoidy.
Jarlyqqa sáikes, meditsinalyq tekserýden jáne emdelýden, karantindik rejimdi saqtaýdan bas tartatyn, epidemiologiialyq jaǵdaidy aiqyndaý úshin mańyzy bar derekterdi jasyratyn adamdarǵa baqylaý, sondai-aq atalǵan adamdardyń jaýaptylyǵynyń sharalary kúsheitiledi.
