Koronavirýs aýrýymen bailanysta bolǵan Jambyl oblysynyń on turǵynynyń taldaýy teris nátije kórsetti, - dep habarlaidy "Ult aqparat" oblys ákimdiginiń baspasóz qyzmetine silteme jasap.
Habarlanǵandai, 20 naýryzda Almaty oblysynyń turǵyny «koronavirýstyq infektsiia» diagnozymen Qarasai aýdandyq aýrýhanasyna jatqyzylǵan bolatyn.
Naýqaspen buǵan deiin bailanysta bolǵan Jambyl oblysynyń 10 turǵyny anyqtalyp, karantinge alyndy. Olardan koronavirýsqa alynǵan taldaýlar teris nátije kórsetti.
Karantindegi adamdardyń eshbirinen shaǵym túsken joq. Jaǵdailary qanaǵattanarlyq. Olarǵa meditsinalyq baqylaý júrgizilýde.
«Sonymen qatar, koronavirýstyq infektsiianyń aldyn alý maqsatynda qoǵamdyq oryndarǵa barýdan bas tartýdyń, jeke gigiena sharalaryn saqtaýdyń, qol alysyp amandasýdyń jáne basqa da jaqyn qarym-qatynastarda bolmaýdyń mańyzdylyǵyn eskertemiz.
Azamattardy tek resmi aqparat kózderine senýge, jalǵan aqparattar men habarlamalardy taratpaýǵa shaqyramyz. Ol úshin qylmystyq jaýapkershilik kózdelgenin jetkizemiz»,-delingen habarlamada.
