20 tamyzdaǵy jaǵdai boiynsha Qazaqstanda 16 myńǵa jýyq adam koronavirýstan emin jalǵastyryp jatyr, dep habarlaidy "Ult aqparat".
«Qazirgi ýaqytta koronavirýs infektsiiasynan 15 904 adam em qabyldaýdy jalǵastyrýda. Olardyń arasynda 64 bala bar. Statsionarlarda 6 942 naýqas jatyr. 8 962 adam ambýlatoriialyq jaǵdaida emdelýde.
Jalpy naýqastardyń arasynda 350 adamnyń jaǵdaiy nashar. Sonyń ishinde 100 naýqastyń jaǵdaiy asa aýyr dep baǵalanýda. 63 naýqas ókpeni jasandy jeldetý apparatyna qosylǵan», - delingen QR Densaýlyq saqtaý ministrligi taratqan málimette.
Buǵan deiin habarlaǵanymyzdai, 19 tamyz kúni Qazaqstanda koronavirýs infektsiiasy 244 adamnan anyqtaldy. Onyń ishinde 110 adam - simptomsyz tasymaldaýshy. Bir táýlikte indetten 164 adam jazylyp shyqty.
Sondai-aq ótken táýlikte koronavirýs infektsiiasynyń belgileri bar pnevmoniia 787 adamnan anyqtaldy. 19 tamyz kúni bul diagnozdan 6 qaitys boldy.
Búginge deiin koronavirýs jalpy 103 815 adamnan anyqtaldy. Onyń ishinde 86 450 naýqas jazylca, 1415 naýqas qaitys boldy.
