Qazaqstanda koronavirýs indetin juqtyryp, em alyp jatqan adamdar sany 10 597 adamdy qurap otyr. Bul týraly QR Densaýlyq saqtaý ministrliginiń Telegram kanalynan málim boldy.
Ondaǵy málimetterge qaraǵanda, naýqastardyń arasynda 52 sábi bar. Statsionarlarda 5 673 naýqas jatyr. 4 924 adam ambýlatoriialyq jaǵdaida emdelýde. Jalpy naýqastardyń arasynda 309 adamnyń ahýaly nashar. Sonyń ishinde 70 naýqastyń ahýaly asa qatty aýyr dep baǵalanýda. 50 naýqas jasandy tynys alý apparatynda jatyr.
«QR Densaýlyq saqtaý ministrligi budan bylai táýliktik nátijeler týraly aqparatty kún saiyn únemi úzbei jariialap otyrady. Barlyq málimet resmi saitta jáne vedmostvanyń áleýmettik jelilerdegi paraqshalary arqyly taratylady. Atap aitqanda, naýqastardyń jalpy sany jóninde, qaitys bolý derekteri týraly jáne de qoǵam úshin mańyzdy ahýaldyń barlyǵy resmi aqparat taratý kózderinde jedel jariialanyp turady. Al, aimaqtardaǵy ahýal týraly aqparatty apta saiyn Densaýlyq saqtaý ministrliginiń resmi ókili arnaiy press-brifingte habarlaidy», - delingen habarlamada.
