Elordada koravirýs juqtyrǵan 1 686 naýqastyń 51 paiyzy emdelip shyqty. Bul týraly Habar-24 telearnasynyń tikelei efirinde Nur-Sultan qalasynyń ákimi Altai Kólginov aitty, dep habarlaidy "Ult aqparat".
«Álemdik pandemiia qalypty ómirimizge ózgerister engizip, basqasha ómir súrýge májbúr etti. Memleket basshysy Qasym-Jomart Toqaevtyń Tótenshe jaǵdai engizý týraly Jarlyǵy azamattarymyzdyń tártipti saqtap, infektsiiadan qorǵanýymyzǵa septigin tigizdi. Prezidenttiń der kezinde qabyldaǵan sharalary azamattardyń oqshaýlanýyna jaǵdai jasap, nátijesinde virýstyń keń taralýyna jol berilgen joq. Osyndai syn saǵatta halyqtyń birtutastyǵy mańyzdy. Indet tarala bastaǵan alǵashqy kezde Elbasy Nursultan Nazarbaevtyń halyqqa arnaǵan úndeýi qoǵamdyq biriktirip, qiyndyqty birge eńserýge kómegin tigizdi», - dedi Altai Kólginov.
Elorda basshysynyń dereginshe, osy aralyqta elordada koronavirýs juqtyrǵan 1 686 naýqas tirkeldi. 835 patsient nemese 51 paiyz azamat emdelip shyqsa, qalǵandary qazirgi ýaqytta karantinde jatyr. Ókinishke qarai 5 adam qaza boldy.
«Qazirgi kúndelikti ósý statistikasy 2-den 4 paiyzǵa deiin bolyp otyr. Naýqastardyń 40 paiyzy - 30 jasqa deiingi jastar, al 35 paiyzy - 30-dan 50 jasqa deiingi adamdar. Iaǵni, osy statistikaǵa júginer bolsaq, virýs tek qana úlken adamdarǵa, zeinetkerlerge nemese burynan aýrýy bar azamattarǵa qaýipti degen sóz rastalmady. Sondyqtan qazirgi jaǵdaida, bizdiń tájiribe kórsetkendei, koronavirýs jas talǵamaidy. Iaǵni, koronavirýstan barlyǵymyz birdei saqtanýymyz qajet. Saqtyqta qorlyq joq», - dedi Nur-Sultan qalasynyń ákimi.
