ەلوردادا كوراۆيرۋس جۇقتىرعان 1 686 ناۋقاستىڭ 51 پايىزى ەمدەلٸپ شىقتى. بۇل تۋرالى حابار-24 تەلەارناسىنىڭ تٸكەلەي ەفيرٸندە نۇر-سۇلتان قالاسىنىڭ ەكٸمٸ التاي كٶلگٸنوۆ ايتتى, دەپ حابارلايدى "ۇلت اقپارات".
«ەلەمدٸك پاندەمييا قالىپتى ٶمٸرٸمٸزگە ٶزگەرٸستەر ەنگٸزٸپ, باسقاشا ٶمٸر سٷرۋگە مەجبٷر ەتتٸ. مەملەكەت باسشىسى قاسىم-جومارت توقاەۆتىڭ تٶتەنشە جاعداي ەنگٸزۋ تۋرالى جارلىعى ازاماتتارىمىزدىڭ تەرتٸپتٸ ساقتاپ, ينفەكتسييادان قورعانۋىمىزعا سەپتٸگٸن تيگٸزدٸ. پرەزيدەنتتٸڭ دەر كەزٸندە قابىلداعان شارالارى ازاماتتاردىڭ وقشاۋلانۋىنا جاعداي جاساپ, نەتيجەسٸندە ۆيرۋستىڭ كەڭ تارالۋىنا جول بەرٸلگەن جوق. وسىنداي سىن ساعاتتا حالىقتىڭ بٸرتۇتاستىعى ماڭىزدى. ٸندەت تارالا باستاعان العاشقى كەزدە ەلباسى نۇرسۇلتان نازارباەۆتىڭ حالىققا ارناعان ٷندەۋٸ قوعامدىق بٸرٸكتٸرٸپ, قيىندىقتى بٸرگە ەڭسەرۋگە كٶمەگٸن تيگٸزدٸ», - دەدٸ التاي كٶلگٸنوۆ.
ەلوردا باسشىسىنىڭ دەرەگٸنشە, وسى ارالىقتا ەلوردادا كوروناۆيرۋس جۇقتىرعان 1 686 ناۋقاس تٸركەلدٸ. 835 پاتسيەنت نەمەسە 51 پايىز ازامات ەمدەلٸپ شىقسا, قالعاندارى قازٸرگٸ ۋاقىتتا كارانتيندە جاتىر. ٶكٸنٸشكە قاراي 5 ادام قازا بولدى.
«قازٸرگٸ كٷندەلٸكتٸ ٶسۋ ستاتيستيكاسى 2-دەن 4 پايىزعا دەيٸن بولىپ وتىر. ناۋقاستاردىڭ 40 پايىزى - 30 جاسقا دەيٸنگٸ جاستار, ال 35 پايىزى - 30-دان 50 جاسقا دەيٸنگٸ ادامدار. ياعني, وسى ستاتيستيكاعا جٷگٸنەر بولساق, ۆيرۋس تەك قانا ٷلكەن ادامدارعا, زەينەتكەرلەرگە نەمەسە بۇرىنان اۋرۋى بار ازاماتتارعا قاۋٸپتٸ دەگەن سٶز راستالمادى. سوندىقتان قازٸرگٸ جاعدايدا, بٸزدٸڭ تەجٸريبە كٶرسەتكەندەي, كوروناۆيرۋس جاس تالعامايدى. ياعني, كوروناۆيرۋستان بارلىعىمىز بٸردەي ساقتانۋىمىز قاجەت. ساقتىقتا قورلىق جوق», - دەدٸ نۇر-سۇلتان قالاسىنىڭ ەكٸمٸ.
