IýNESKO-nyń Parij qalasyndaǵy shtab-páterinde keshe, 10 naýryzda bilim ministrleriniń shuǵyl keńesi ótti. Olar oryn alǵan jaǵdaidy, qashyqtyqtan oqytý baǵdarlamalaryn engizý máselelerin ortaǵa saldy, dep habarlaidy "Ult aqparat" «BUU jańalyqtaryna» silteme jasap.
Budan bir aiǵa jýyq ýaqyt buryn Qytai mektepterin jabýdy maquldaǵan jalǵyz el bolǵan. Sodan keiin COVID-19 koronavirýsynyń aldyn alý jáne taralýyna jol bermeý maqsatymen mundai sharany taǵy 29 el qoldandy. Búginde virýs saldarynan búkil álem boiynsha árbir besinshi oqýshy – 369 mln bala men jasóspirim mektepke barý múmkindiginen aiyrylyp otyr.
Kezdesý barysynda túrli elderdiń ókilderi mektepter jabylǵan jaǵdaida qashyqtyqtan oqytýdy uiymdastyrý tájiribesimen bólisti.
Búginde kóptegen elder koronavirýsqa bailanysty qashyqtyqtan oqytý tájiribesin sátti túrde júzege asyrýda.
