Koronavirýs vaktsinasyn saldyrǵanǵa deiin jáne odan keiin oqshaýlaný kerek pe? Bul suraqqa QR DSM Sanitariialyq-epidemiologiialyq baqylaý komitetiniń vaktsinaǵa kónetin infektsiialardy baqylaý basqarmasynyń basshysy Nurshai Ázimbaeva jaýap berdi, dep habarlaidy QazAqparat.
«Shyn máninde oqshaýlaný – adamdardyń basqa bireýlerge virýs juqtyrýynyń aldyn alý úshin kerek. Mundai jaǵdaida koronavirýs vaktsinasyn saldyrǵanǵa deiin jáne odan keiin oqshaýlanýdyń qajeti joq. Biraq adamdar eń aldymen óziniń qaýipsizdigin oilaýǵa tiis. Sol sebepti vaktsina alatyn adam úshin tolyǵymen karantin rejimin saqtaǵan durys. Vaktsina saldyratyn kez kelgen adamnyń eń birinshiden deni saý bolýy kerek. Ekpe alǵan adam qorshaǵan ortaǵa qaýipsiz. Ekpe alǵan adamǵa koronavirýs juqpaidy. Iaǵni, vaktsina quramynda infektsiialyq negiz joq», - dedi Nurshai Ázimbaeva onlain konferentsiia barysynda.
Basqarma basshysy degenmen ekpe alǵan adam saqtyq sharalaryn saqtaýy kerektigin eske saldy.
«Jalpy vaktsinalaýǵa qatysty oqshaýlanýdyń qajeti joq», - dep sózin shegelei tústi ol.
Eske sala ketsek, buǵan deiin Nurshai Ázimbaeva aqyly ekpe kabinetterinde KVI-ge qarsy vaktsina salynbaitynyn eskertken edi.
