Qaraǵandy óndiristik kesheniniń bazasynda vaktsina óndirý týraly sheshim QR Densaýlyq saqtaý ministrligi (QR DSM) jáne Reseidiń Tikelei Investitsiialar Qorynyń (RTIQ) arnaiy mamandar tobynyń qazaqstandyq farmatsevtikalyq (QFK) kásiporyndaryna júrgizilgen saraptamalarynyń nátijesinde qabyldandy.
Sarapshylardyń derekteri boiynsha QFK reseilik sýbstantsiiadan daiyn ónimdi óndirýge anaǵurlym daiyn bolyp shyqty. RTIQ mamandary júrgizgen tehnikalyq aýdit nátijesi óndiristik alańnyń koronavirýsqa qarsy vaktsinanyń daiyn túrin shyǵarý úshin barlyq talaptarǵa sáikes keletinin rastady.
QR Úkimeti janyndaǵy Qazaqstanda koronavirýstyń taralýyna jol bermeý jónindegi vedmstvoaralyq komissiia málimetterine qaraǵanda, b úgingi tańda QFK halyqaralyq GMP standartyna sai, biotehnologiialyq preparattardy óndirýge tolyq mamandandyrylǵan, barlyq qajetti infraqurylymǵa ie, álemdik jetekshi óndirýshilerdiń tehnologiialyq jáne zerthanalyq jabdyqtarymen jabdyqtalǵan Qazaqstan Respýblikasyndaǵy alǵashqy jáne ázirge jalǵyz farmatsevtikalyq kásiporyn.
Reseilik «Spýtnik V» vaktsinasyn óndirý sheńberinde QFK men vaktsina óndirisiniń litsenziiasy jáne noý-haý iesi bolyp tabylatyn RTIQ arasynda seriktestik qarym-qatynas ornatylǵan. RTIQ-tan jetkizetin shikizattan (farmatsevtikalyq sýbstantsiia) daiyn vaktsina shyǵarady. QFK tiesili zerthanasynda jáne vaktsina jasaýshy - Máskeýdegi Gamaleia atyndaǵy Ǵylymi-zertteý institýtynyń zerthanasynda sapasy boiynsha eki rettik baqylaýdy júzege asyrady. Qatań baqylaýdan ótkennen keiin vaktsina QR DSM biryńǵai distribiýtoryna jetkiziledi. Preparatty ári qarai alyp júrý - farmakologiialyq qadaǵalaý QFK mindetine kiredi. Ekpeden keiingi jailardy monitoringileý, ekpe qabyldaǵan adamdardyń ótinishteri men shaǵymdaryn jinaý men taldaý da kiredi.
Qaraǵandy farmatsevtikalyq kesheni negizinde COVID-19 qarsy vaktsina óndirý - Qazaqstan halqy úshin basym mánge ie strategiialyq mańyzdy áleýmettik joba bolyp tabylady. Bul óndiris joǵary tiimdi bolyp tabylmaidy, sebebi, satý baǵasy tek óndiris shyǵyndaryn jabady. Alaida, vaktsina óndirisiniń basty maqsaty kommertsiialyq paida kórý bolmaǵandyqtan, vaktsinany erekshe jaǵdailarda, iaǵni paidany eskerýsiz shyǵarý týraly sheshim qabyldandy.
Joba memleketaralyq kelisimderdiń nátijesi jáne eki memleket úkimetteriniń jáne QR Densaýlyq saqtaý ministrliginiń tikelei jetekshiliginde. QR DSM men RTIQ arasynda reseilik vaktsinanyń 2 mln. mólsherin jetkizý týraly memorandýmǵa qol qoiyldy. Qol jetkizilgen ýaǵdalastyqtarǵa sáikes, 2021 jyldyń maýsymyna deiin vaktsinanyń qajetti kólemin óndirý josparlanyp otyr. Qazirgi ýaqytta QR DSM men QFK arasynda tiisti kelisim jasasý boiynsha jumystar júrgizilýde.
Qaraǵandy farmatsevtikalyq kesheni jaiynda qosymsha aqparat.
Qaraǵandy óndiristik kesheni – bul jańa farmatsevtikalyq tehnologiialarǵa sáikes jeke investitsiialar úshin jabdyqtalǵan qazaqstan-resei birlesken kásiporny. Investorlar tarapynan aldyńǵy qatarly farmatsevtikalyq keshendi jabdyqtaýǵa 50 million dollardan astam qarjy jumsaldy. Maqsaty - qazaqstandyq patsientterdi emdeý úshin ómirlik mańyzdy dárilik preparattar óndirisin oqshaýlaý, sonymen qatar, bul úshin jetekshi reseilik ǵylymi zerthanalardyń quzyreti tartylǵan.
QFK jyl saiyn jetkiziletin dári-dármekterdiń tizbesin keńeite jáne is júzinde bizdiń elimizdiń turǵyndary úshin strategiialyq mańyzdy baǵytta importty almastyrý baǵdarlamasyn júzege asyra otyryp, ómirlik mańyzy bar dári-dármekterdi QR Densaýlyq saqtaý ministrliginiń qajettilikteri úshin jetkizýdi iske asyrady. QFK onkologiia, gemofiliia, gepatit, qant diabeti jáne basqalary siiaqty áleýmettik mańyzy bar kúrdeli aýrýlardy emdeýge arnalǵan zamanaýi preparattardy shyǵarady. Osy oraida, 2020 jyldyń sońyna qarai farmatsevtikalyq keshen sońǵy bir jyldyń ózinde 20-ǵa jýyq jańa preparatty shyǵarýdy igerip, 60 ataýly dárilik quraldy óndirdi.
Qazaqstanda buryn óndirilmegen birqatar dári-dármekter jelisin keńeitý jáne importty almastyrý úzdiksiz jalǵasýda. Preparattar QR Densaýlyq saqtaý ministrliginiń biryńǵai memlekettik distribiýtory «SK-Farmatsiia» kompaniiasyna jetkiziledi. Buryn sheteldik óndirýshiler jetkizgen preparattar baǵasynyń tómendeýiniń arqasynda elimizdiń memleket biýdjeti osy maqsattarǵa jyl saiyn 1 milliard teńgeden astam qarajat únemdeidi.
Sonymen qatar, QFK Qaraǵandy oblysyndaǵy eń iri salyq tóleýshiler men jumys berýshilerdiń biri, kásiporynda 200 jumys orny uiymdastyrylǵan. QFK-da joǵary tehnologiialyq farmatsevtikalyq ónimderdi óndirý salasynda bilim men tájiribege ie joǵary sanatty mamandar toby (QFK mamandarynyń 99%-y - QR azamattary) jinalǵan.
