Madridte jańa karantin shekteýleri engizilip jatyr, biraq qala biligi buǵan qarsy. Sondai-aq Shveitsariiada buqaralyq sharalarǵa qaita ruqsat berildi, dep habarlaidy VVS agenttigi.
Djons Hopkins ýniversitetiniń málimeti boiynsha, Covid-19 juqtyrǵandardyń jalpy sany álemde 34 mln adamǵa jetti, 1 millionnan astamy qaitys boldy. Pandemiia bastalǵaly 23,6 mln patsient virýstan aiyǵyp ketti.
Ispaniia úkimeti Madrid pen onyń mańyndaǵy toǵyz qalanyń jergilikti biligine 48 saǵatqa karantindik sharalar engizýdi tapsyrdy. Ispaniiada Covid-19 aýrýyna shaldyqqandar sany artýda. Sońǵy eki aptada elde 133 myńnan astam adam koronavirýs juqtyrǵan. Olardyń úshten biri el astanasynan.
Engizilgen jańa sharalar boiynsha, atalǵan qala turǵyndary aýdandar arasyna qatynai almaidy. Tek jumysqa, oqý oryndaryna, sondai-aq dárigerge nemese jaqyndaryna qajettilik bolǵan jaǵdaida ǵana ruqsat etilgen. 6 adamnan artyq toptasyp júrýge tyiym salynǵan.
1 qazannan bastap Shveitsariiada sporttyq jarystar men mádeni sharalarǵa bir ýaqytta 1000-nan kóp emes adam qatysýǵa ruqsat etildi. Munda gigeinalyq sharalar men áleýmettik qashyqtyqty qatań saqtaý kerek.
Londonnyń imperiialyq kolledji júrgizgen jańa zertteý málimetteri boiynsha Britaniiada Covid-19 virýsynyń taralýy báseńdei bastady.
Ǵalymdardyń pikirine sáikes, bir virýs tasymaldaýshydan qansha adam aýrý juqtyrýy múmkin ekenin anyqtaityn R bazalyq kórsetkishi tómendedi. Onyń tómendeýine Úkimet jaqynda engizgen jańa shekteý sharalary kómektesti. Endi Angliiada jáne Ulybritaniianyń basqa bólikterinde pabtar men meiramhanalar 22:00-den keshiktirilmei jabylady, alty adamnan artyq toptasyp jinalýǵa tyiym salynady, dúkender men meiramhana qyzmetkerlerine mindetti túrde maska taǵý mindetteldi.
Aýstraliianyń Viktoriia shtatynyń turǵyndary eldegi eń qatań qaýipsizdik sharalaryn saqtaýǵa májbúr. Aýstraliiadaǵy aýrý juqtyrǵandardyń jalpy sany qazir 27 myńnan astam adamdy quraidy, 900-ge jýyq naýqas qaitys boldy.
Úndistanda 15 qazannan bastap kinoteatrlarǵa, kórme zaldaryna jáne basqa da mádeni ortalyqtarǵa barýǵa ruqsat etiledi. Sol kúnnen bastap mektepter men kolledjder de ashylady. 30 qyrkúiekte Úndistanda 80 myńnan astam koronavirýs juqtyrýdyń jańa jaǵdaiy tirkeldi. Epidemiia bastalǵaly aýrýǵa shaldyǵý jaǵdailarynyń jalpy sany alty millionnan asty. Bul – infektsiianyń taralýy boiynsha AQSh-tan keiingi álemdegi ekinshi el.
