Ýhandaǵy virýsologiia institýtynyń úsh ǵalymy pandemiiaǵa deiin dárigerlerdiń kómegine júgindi. Bul týraly AQSh-barlaý qyzmetiniń esebinde aitylǵan, dep habarlaidy Sputnik RIA Novosti agenttigine silteme jasap.
AQSh-tyń The Wall Street Journal gazeti barlaý qyzmetiniń esebinde kórsetilgen keibir málimetti jariialady. Oǵan sáikes, koronavirýs pandemiiasyna deiin Ýhandaǵy virýsologiia institýtynyń úsh ǵalymy qatty aýyryp, aýrýhanada emdelýge májbúr bolǵan. Al aýrýdyń keibir belgileri jyl saiynǵy tumaýǵa uqsady. Maqala avtorlarynyń aitýynsha, osy málimet koronavirýstyń qytailyq zerthanadan shyqqanyna janama dálel bola alady.
Úsh ǵalym da Ýhandaǵy virýsologiia institýtynyń zerthanasynda jumys istegen. Olar koronovirýstardy jáne taǵy basqa juqpaly infektsiialardy zertteýmen ainalysqan.
"Dál osy málimet jańa virýstyń shyǵý teoriiasyn zertteý kezinde kerek bolyp qalýy múmkin", - deidi maqala avtorlary.
Aita ketken jón, The Wall Street Journal-daǵy maqala Búkilálemdik densaýlyq saqtaý assambleiasynyń 74-sessiiasy qarsańynda jariialanyp otyr. Sessiia otyrysy búgin ótedi. Sol jerde pandemiiamen kúres sharalary talqylanady.
Amerika biligi pandemiia bastalǵaly beri koronavirýstyń Ýhandaǵy zerthanadan shyǵýy múmkin degen boljamdy aityp keledi. Alaida barlaý qyzmeti naqty dáleldiń joq ekenin málimdegen.
Qytaidyń syrty ister ministirligi The Wall Street Journal gazetine shyqqan maqalaǵa qatysty pikir bildirdi. Diplomattardyń aitýynsha, AQSh dáleldenbegen teoriiany tarqata berýdi qoimaidy. Osylaisha, álem nazaryn basqa máselege aýdarǵysy keletin siiaqty.
