Túrkistan oblysynda koronavirýsqa shaldyqqan naýqastardy emdeý úshin qosymsha tósek oryndary qurylyp jatyr. Bul týraly Qoǵamdyq densaýlyq basqarmasy basshysynyń orynbasary Nurhan Narymbetova málimdedi, dep habarlaidy "Ult aqparat".
Nurhan Narymbetovanyń aitýynsha, Túrkistan men Kentaý qalalarynda ókpesi qabynyp, aýrýhana kómegine júgingen naýqastar sany kóbeigen. Olar negizinen virýsty pnevmoniia, bakterialdy pnevmoniia, JRVI siiaqty syrqat túrlerimen aýyrǵany anyqtalýda. Degenmen, túrli qaýiptiń aldyn alý men qaýipti indetke shaldyqqandardy emdeý úshin jeke klinikalardan da provizorlyq tósek oryndary qurylýda.
«Máselen, júkti áielder úshin keshe oblystyq perinataldyq ortalyqtan provizorlyq 40 tósek ornyn ashtyq. Odan bólek, jekemenshik «Talǵat» klinikasynan - 40, Qoja Ahmet Iasaýi atyndaǵy qazaq-túrik ýniversitetiniń klinikasynan - 30, «Aqmaral» klinikasynan da biraz tósek oryndar ashyldy. Sonymen qatar, qalalyq ortalyq aýrýhanada 150 tósek oryn bolsa, endi onyń sany 220 orynǵa kóbeitildi. Sol sebepti bizge kelgen naýqastardyń barlyǵy statsionarlyq emderin qabyldaýda», - deidi basqarma basshysynyń orynbasary.
Onyń sózinshe, qazir qaýipti indet juqtyrǵan naýqastardyń emine virýsqa qarsy «Alýviia» preparaty men antibiotikter qoldanylyp jatyr. Al, tynys jetispeýshiligi bar naýqastarǵa ylǵaldy ottegi beriledi.
«Naýqastarda koronavirýs anyqtalǵan jaǵdaida 14 kúnge deiin aýrýhanaǵa jatqyzylyp, emderin qabyldaidy. Turaqty dárigerdiń baqylaýynda bolady. Eki aptadan keiin qaita synamalar alynyp, test nátijesi teris shyqsa ǵana aýrýhanadan shyǵarylady. Al, naýqastarmen bailanysta bolǵan adamdar óz úilerinde oqshaýlanýda. Olardan onynshy kúni qaita synamalar alynyp, tekseriledi. Eshqandai belgileri bolmasa, 14-shi kúni eshbir analiz tapsyrmai-aq, karantinnen shyǵarýǵa bolady», - deidi basqarma basshysynyń orynbasary.
Dárigerdiń aitýynsha, COVID-19 juqpasynyń erekshiligi sol, basqa respiratorlyq aýrýlarǵa qaraǵanda pnevmoniianyń tez órshýine jáne tynys jetispeýshiligine ákeledi.
«Qosymsha aýrýlary (qant diabeti, júrek aýrýy, tynys jetispeýshiligi, sozylmaly bronhit, qan qysymynyń kóterilýi jáne t.b) bar naýqastarda aýyr týrde ótedi. Kei kezderi tipti, aýrýdyń sońy ólimge ákelýi múmkin. COVID-19 pnevmoniiasynyń aiyrmashylyǵy, eger de naýqastardyń ókpe tusyn kompiýterlik tamografiiaǵa túsirgende eki ókpede barlyq segmentter zaqymdalady jáne fibrozǵa ákeledi. Sondai-aq qaýipti indettiń aýrý belgileri iisti, dámdi sezbei qalýdan bastalady. Adamda álsizdik paida bolyp, dene qyzýy kóteriledi. Jótel qysyp, tynys alýy qiyndai bastaidy», - deidi N. Narymbetova.
Sala mamanynyń sózinshe, aýrýdan saqtaný úshin adamdar únemi betperdemen júrgeni jón. Ózara jáne basqa adamdarmen 2 metrden kem emes araqashyqtyqty saqtai otyryp, tyǵyz qarym-qatynastan alshaq bolýy kerek. Qolyn da únemi sabyndap jýyp, quramynda spirti bar zatpen óńdegeni abzal.
