Qazaqstandyqtar koronavirýs týraly suraqtaryn mobildi qosymsha arqyly joldai alady, dep habarlaidy "Ult aqparat" «Áleýmettik meditsinalyq saqtandyrý qory» KEAQ baspasóz qyzmetine silteme jasap.
Densaýlyq saqtaý ministri Eljan Birtanovtyń qazaqstandyqtar koronavirýsty juqtyrǵany rastalǵan jaǵdailary týraly málimdemesinen keiin halyq arasynda alańdaýshylyq aitarlyqtai ósti. Buryn Áleýmettik meditsinalyq saqtandyrý qorynyń Biryńǵai bailanys ortalyǵyna kúnine shamamen 1500-2000 qońyraý kelip túsetin bolsa, al qazir olardyń sany 3 ese artty - kúnine 6 myńǵa deiin.
Osyndai mańyzdy kezeńde aǵzańyzdy múmkin bolyp qalatyn juqtyrýdan saqtaný jáne aldyn-alý úshin barlyq sharalardy qabyldaý qajet. 1406 bailanys ortalyǵynyń operatorlary halyqqa densaýlyǵyn nyǵaitý jáne óziniń aǵzasyn qorǵaý, kúdikti simptomdar baiqalǵanda áreketter jasaý boiynsha keńes berý daindyǵynan ótti.
«Bailanys ortalyǵy qajetti aldyn-alý sharalary jáne virýstan qorǵaný boiynsha keńes berý úshin jumys isteidi. Operatorlar sonymen birge syrqattalyp qalǵan kezde qaida barý kerektigin, qandai simptomdarǵa nazar aýdarý kerektigin, qaida taldaýlardy (analizderdi) tapsyrýǵa bolatyndyǵyn túsindiredi. Úkimet pen ýákiletti organdar qabyldap jatqan sharalar halyqty qorǵaýǵa baǵyttalǵan. Alaida, qoǵamdyq oryndarǵa barý densaýlyqqa qaýip tóndiredi ekenin sanaly azamattar túsinýi kerek», – deidi Áleýmettik meditsinalyq saqtandyrý qorynyń baspasóz qyzmeti.
Esterińizge sala keteiik, óz suraqtaryńyzdy 1406 operatorlaryna Qoldau 24/7 mobildi qosymshasy arqyly da joldaýyńyzǵa bolady. Joldanymǵa tirkeý nómiri beriledi, sodan keiin siz ózińizdiń jeke kabinetińizde onyń mártebesin teksere alasyz.
