Adamdardyń koronavirýstan qorqyp jatqanyn túsinýge bolady. Biraq baibalamǵa erik bermegen jón, dep jazady Vox basylymy.
«Virýs týraly kóp nárse bilmeimiz. Sońǵy aptada koronavirýs juqtyrǵandar sany 24 myńnan asty. Qytaidan tys jerlerde de anyqtalyp jatyr. Jańalyqtar legi halyqtyń úreiin týdyryp jatqany túsinikti. Biraq koronavirýs týraly alańdaýdyń qajeti joq. Al tumaý - alańdaýǵa turatyn virýs», dep jazady basylym.
Washington Post gazeti de koronavirýsqa qaraǵanda tumaýdyń qaýiptirek ekenin jazyp, mamandar pikirin jariialady. Al Aq úidiń densaýlyq saqtaý salasy boiynsha burynǵy keńesshisi amerikalyqtardan baibalam salýdy toqtatýdy surady. Epidemiologtar da koronavirýsqa qaraǵanda tumaýdan qaitys bolatyndar da kóp ekenin aitqan.
«Baibalam salý - durys emes. Bul adamnyń salqynqandy sheshim qabyldaýyna keri áser etedi. Tipti, durys emes áreketterge barýǵa itermeleýi múmkin», dep jazady basylym.
Avtordyń aitýynsha, densaýlyq saqtaý salasynda koronavirýstan da mańyzdy problemalar barshylyq.
Mamandardyń aitýynsha, koronavirýsqa bailanysty alańdaýǵa esh sebep joq. Al halyqtyń baibalam salyp, úreilenýine aqparattandyrýdyń durys bolmaýy áser etip jatyr. Tipti, koronavirýstan góri qyzylsha aýrýynyń da qaýiptirek ekeni belgili. Al kópshiligi balalaryna vaktsina salýdan bas tartyp jatyr.
«Jańa infektsiialyq aýrýlar qorqynyshty. Al virýs týraly jazylatyn dálelsiz aqparattar odan da qorqynyshty», dep jazady avtor.
