ادامداردىڭ كوروناۆيرۋستان قورقىپ جاتقانىن تٷسٸنۋگە بولادى. بٸراق بايبالامعا ەرٸك بەرمەگەن جٶن, دەپ جازادى Vox باسىلىمى.
«ۆيرۋس تۋرالى كٶپ نەرسە بٸلمەيمٸز. سوڭعى اپتادا كوروناۆيرۋس جۇقتىرعاندار سانى 24 مىڭنان استى. قىتايدان تىس جەرلەردە دە انىقتالىپ جاتىر. جاڭالىقتار لەگٸ حالىقتىڭ ٷرەيٸن تۋدىرىپ جاتقانى تٷسٸنٸكتٸ. بٸراق كوروناۆيرۋس تۋرالى الاڭداۋدىڭ قاجەتٸ جوق. ال تۇماۋ - الاڭداۋعا تۇراتىن ۆيرۋس», دەپ جازادى باسىلىم.
Washington Post گازەتٸ دە كوروناۆيرۋسقا قاراعاندا تۇماۋدىڭ قاۋٸپتٸرەك ەكەنٸن جازىپ, ماماندار پٸكٸرٸن جارييالادى. ال اق ٷيدٸڭ دەنساۋلىق ساقتاۋ سالاسى بويىنشا بۇرىنعى كەڭەسشٸسٸ امەريكالىقتاردان بايبالام سالۋدى توقتاتۋدى سۇرادى. ەپيدەميولوگتار دا كوروناۆيرۋسقا قاراعاندا تۇماۋدان قايتىس بولاتىندار دا كٶپ ەكەنٸن ايتقان.
«بايبالام سالۋ - دۇرىس ەمەس. بۇل ادامنىڭ سالقىنقاندى شەشٸم قابىلداۋىنا كەرٸ ەسەر ەتەدٸ. تٸپتٸ, دۇرىس ەمەس ەرەكەتتەرگە بارۋعا يتەرمەلەۋٸ مٷمكٸن», دەپ جازادى باسىلىم.
اۆتوردىڭ ايتۋىنشا, دەنساۋلىق ساقتاۋ سالاسىندا كوروناۆيرۋستان دا ماڭىزدى پروبلەمالار بارشىلىق.
مامانداردىڭ ايتۋىنشا, كوروناۆيرۋسقا بايلانىستى الاڭداۋعا ەش سەبەپ جوق. ال حالىقتىڭ بايبالام سالىپ, ٷرەيلەنۋٸنە اقپاراتتاندىرۋدىڭ دۇرىس بولماۋى ەسەر ەتٸپ جاتىر. تٸپتٸ, كوروناۆيرۋستان گٶرٸ قىزىلشا اۋرۋىنىڭ دا قاۋٸپتٸرەك ەكەنٸ بەلگٸلٸ. ال كٶپشٸلٸگٸ بالالارىنا ۆاكتسينا سالۋدان باس تارتىپ جاتىر.
«جاڭا ينفەكتسييالىق اۋرۋلار قورقىنىشتى. ال ۆيرۋس تۋرالى جازىلاتىن دەلەلسٸز اقپاراتتار ودان دا قورقىنىشتى», دەپ جازادى اۆتور.
