Atyraý oblysyndaǵy Teńiz kenishinde koronavirýstyń 17 oshaǵy anyqtaldy, - dep habarlaidy Jedel Shtab.
Tótenshe jaǵdai rejimin qamtamasyz etý jónindegi óńirlik jedel shtabtyń málimetine súiensek, mundaǵy karantindik statsionarda 2000-nan astam adam bar. Olar buǵan deiin koronavirýs infektsiiasyn juqtyrǵan naýqastarmen bailanysta bolǵan. Sondai-aq, jumysshylar tuǵan vahtalyq kentte qaýipti indettiń 17 oshaǵy anyqtalǵan. Ken ornynan 16 200 jumysshy shyǵarylyp, turǵylyqty mekenjailaryna jiberilgen. Jaqyn kúnderi taǵy 800 adamdy shyǵarý kózdelip otyr.
«Qazirgi ýaqytta Teńiz kenishindegi merdigerlik mekemelerden 359 adam infektsiia juqtyrdy. Onyń 64-i jazylyp shyqty. Sońǵy táýlikte munda indetke shaldyqqan 90 adam tirkeldi. Olar - buryn anyqtalǵan naýqastarmen bailanysta bolǵandar» - dedi oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń bas mamany Almagúl Kóshkinbaeva.
