Avstraliia ǵalymdary Covid-19 qozdyrýshy virýstyń banknot, telefon ekrany jáne tot baspaityn bolat betinde 28 kún boiy tirshilik etip, juqpaly bolyp qalatynyna sendirip otyr. Bul týraly BBC News agenttigi habarlady.
Avstraliia ulttyq ǵylymi agenttigi júrgizgen sońǵy zertteý qorytyndylary SARS-Cov-2 virýsynyń buǵan deiin shamalanǵannan da ómirsheń bolýy múmkin ekenin kórsetti.
Eldiń CSIRO agenttigi ótkizgen zertteý virýstyń mobildi telefon ekrany, sondai-aq plastik jáne qaǵaz banknot siiaqty tegis betterde 20°C temperatýrada 28 kún boiy «óte turaqty» bolatynyn kórsetti. Salystyrmaly túrde tumaý virýsy mundai jaǵdaida 17 kún tirshilik etedi eken.
Kardiff ýniversiteti janyndaǵy virýstyq infektsiialar ortalyǵynyń burynǵy direktory, professor Ron Ekls avstraliialyq áriptesteriniń zertteýine syn aityp, koronavirýs infektsiiasyn týdyrýshy virýstyń 28 kún boiy «belsendi» bolatyny týraly shamalaýyn tek «qoǵamnyń úreiin ushyratyn qajeti joq jańalyq qana» dep málimdedi.
«Virýstar áldeneniń betinde tek jótel, túshkirý kezinde, sondai-aq las qolmen ustaý kezinde ǵana taralady, al bul zertteýde adamnyń shyryshy virýstyń taralýy quraly retinde qarastyrylǵan joq», - dedi ol.
«Meniń oiymsha, infektsiialyq virýstar áldeneniń betindegi shyryshta birneshe kún emes, tek birneshe saǵat ishinde saqtala alady», - dep qosyp ótti Ekls.
Shilde aiynda Lancet-te jariialanǵan maqalada Rýtgers ýniversitetiniń mikrobiologiia professory Emanýel Goldman virýstyń «jansyz zattar arqyly taralý múmkindigi óte tómen» ekenin atap ótken.
Sondai-aq, ótken aptada Kaliforniia ýniversitetiniń meditsina professory Monika Gandi koronavirýstyń áldeneniń beti arqyly taralmaitynyn málimdegen.
