Tbiliside túnde 54 jerasty ótkeline «Tbilservis grýpp» kompaniiasy dezinfektsiia jumystaryn júrgizdi. Bul týraly qala meriiasy málimdedi, dep habarlaidy Novosti-Grýziia.
Dezinfektsiiany astana meriniń tapsyrmasy boiynsha koronavirýstyń aldyn alý maqsatynda júrgizdi. Oǵan antiseptikalyq eritindiler qoldanyldy.
«Tbilservis grýpp» kompaniiasynyń basshysy Romeo Mikaýtadzeniń málimdeýinshe, jerasty ótkelderine qajet bolǵan jaǵdaida taiaý kúnderi taǵy dezinfektsiia júrgizilmek.
Keshe Tbiliside qoǵamdyq kólikterde, mektepter men balabaqshalarda jappai dezinfektsiia bastaldy. Mektepterdi dezinfektsiialaý úshin 10 túrli qural qoldanyldy.
Vedomstvoaralyq úilestirý keńesiniń sheshimi boiynsha, Grýziianyń memlekettik mektepterinde 2-16 naýryzda kóktemgi demalys jariialanyp, ol ýaqytta dezinfektsiialyq jumystar júrgiziledi.
Eske salaiyq, 2 naýryzda Grýziiada úsh adamnan koronavirýs tabyldy. Onyń ishinde eki er adam Iranda bolsa, jas kelinshek Italiiadan kelgen.
