Soltústik Qazaqstan oblysynda politseiler koronavirýsqa shaldyqqan bolýy múmkin degen kúdikke ilingen boijetkenniń jeke derekteri áleýmettik jelide qalai paida bolǵanyn tekserip jatyr, dep habarlaidy "Ult aqparat".
Messendjerler arqyly boijetkenniń aty-jóni, mekenjaiy, analiz nátijeleri taraǵan. Keiinirek áleýmettik jelide boijetken turatyn úidiń qorshaýǵa alynǵan kireberisiniń sýretteri paida boldy.
«Petropavl qalalyq politsiia basqarmasyna 27 jastaǵy boijetken belgisiz bireýlerdiń messendjerlerde onyń jeke derekterin taratqanyn aityp, shaǵym túsirgen. Bul fakti Sotqa deiingi tergeýdiń biryńǵai reestrine «Derbes derekter men olardy qorǵaý týraly QR zańnamasy men jeke ómirge qol suǵylmaýshylyqty buzý» qylmystyq baby boiynsha tirkeldi», - dep túsindirdi oblystyq politsiia departamentiniń baspasóz qyzmetinen.
