15 jeltoqsanda Qazaqstan Respýblikasynyń aýmaǵyna Izrail, Ulybritaniia, Germaniia, Frantsiia, Ońtústik Koreia, Maldiv Respýblikasy, Mysyr, Túrkiia, BAÁ, Resei, Qyrǵyzstan jáne Ózbekstannan 13 halyqaralyq áýe reisi kelip qondy. Bul týraly QR DSM Sanitariialyq-epidemiologiialyq baqylaý komitetiniń baspasóz qyzmeti habarlady.
13 halyqaralyq áýe reisimen Qazaqstanǵa barlyǵy 1 612 jolaýshy ushyp kelgen. Olardyń ishinde PTR-testileýdiń teris nátijesi bar anyqtamamen 1 465 adam, anyqtamasyz 147 adam (QR azamattary) kelgen. Atap aitqanda, Almaty qalasynyń áýejaiyna 10 reispen 1 348 jolaýshy (anyqtamamen - 1 209, anyqtamasyz – 139), Nur-Sultan qalasynyń áýejaiyna 3 reispen 264 jolaýshy (anyqtamamen - 256; anyqtamasyz – 8) kelgen.
«Anyqtamasyz kelgen Qazaqstan azamattary kelgen jeri boiynsha COVID-19-ǵa PTR-taldaý ádisimen testileýden ótti. Karantindik statsionarlarda óz nátijelerin kútip jatyr. Bir kún buryn, 2020 jyldyń 14 jeltoqsanynda anyqtamasyz kelgen 81 adamnyń PTR-taldaý nátijeleri boiynsha Ystanbul – Almaty reisimen ushyp kelgen Qazaqstannyń 2 azamatynan koronavirýs infektsiiasy anyqtaldy», - delingen habarlamada.
Sonymen qatar, Túrkiiadan ushyp kelgen Shri-Lanka men Qyrǵyzstan azamattarynda koronavirýsqa test anyqtamalarynyń merzimi ótýine bailanysty Almaty qalasynyń áýejaiynan deportatsiialandy.
