Áleýmettik jelilerde Óskemen jáne Semei qalalarynda PTR-test tapsyrýshylardyń uzyn-sonar kezekte turǵany týraly aqparat taraǵan bolatyn. Buǵan qatysty ShQO Taýarlar men kórsetiletin qyzmetterdiń sapasy men qaýipsizdigin baqylaý departamentinen jaýap berdi, dep habarlaidy "Ult aqparat".
Departamettiń baspasóz qyzmeti taratqan málimetke súiensek, qazirgi tańda atalǵan másele sheshilip, kezek azaiǵan.
«Áleýmettik jelilerde Óskemen jáne Semei qalalarynyń turǵyndary zerthanalarda PTR-test tapsyra almaǵandyǵy týraly aqparat tarady. 2 qarasha kúni tańerteńnen bastap saǵat 12.00-ge deiin mundai jaǵdaidyń oryn alǵany ras. Alaida tiisti sharalar qoldanylǵannan keiin kezek birden qysqardy», - delingen habarlamada.
3 qarashadan bastap oblystyq Reprodýktivti meditsina ortalyǵy men «InVitro+» zerthanalarynda COVID-19-ǵa synama alý úshin qosymsha pýnktter ashylmaq.
«Jalpy óńir boiynsha synamalarmen 10 zerthana jumys isteidi. Onda táýligine 7 myńnan astam zertteý jumystaryn júrgizýge bolady. Aita keteiik, osy ýaqytqa deiin oblysta 298 547 zertteý júrgizilgen», - dedi vedomstvo ókilderi.
