QR Densaýlyq saqtaý vitse-ministri Lázzat Aqtaeva «Shapaǵat» áleýmettik qyzmet kórsetý ortalyǵyndaǵy infektsiia juqtyrý jaǵdaiy týraly pikir bildirdi, dep habarlaidy QazAqparat.
Buǵan deiin Aqmola oblysyndaǵy «Shapaǵat» áleýmettik qyzmet kórsetý ortalyǵyndaǵy koronavirýs infektsiiasy tabylǵany habarlanǵan edi.
«Ortalyq qamqorlyǵynda 147 qart jáne 74 qyzmetker bolǵan. Onda koronavirýs infektsiiasy shyǵyp, 3 adam qaitys bolǵan soń, bailanysta bolǵan 221 adam anyqtaldy. Onyń 147-i - qarttar, 74-i — qyzmetkerler», - dedi vitse-ministr Ortalyq kommýnikatsiialar qyzmetinde ótken brifingte.
Barlyǵyna polimerazdy-tizbekti reaktsiia ádisimen koronavirýs infektsiiasyn tekserý júrgizilgen. Nátijesinde, 38 qart pen 3 qyzmetkerden infektsiia tabylǵan.
«Infektsiia anyqtalǵan adamdar Nur-Sultan qalasy (8) men Arshaly (27) aýdandyq aýrýhanasyna jatqyzyldy. Qyzmetkerlerdiń ekeýi Kókshetaýda, bireýi - Nur-Sultanda emdelip jatyr. Eki qart aýyr halde jatyr, onyń biri ókpeni jasandy jeldetý apparatyna qosylǵan jáne ekinshisine ottegi beretin qurylǵy taǵyldy»,- deidi L. Aqtaeva.
Onyń aitýynsha, qalǵan naýqastardyń da aýyr jaǵdaiy olardyń negizgi aýrýyna bailanysty bolyp otyr. Máselen, 51 naýqas buǵan deiin de arbada otyrǵan.
«Epidemiialyq tergeý júrgizilip, aýrý oshaǵy anyqtaldy. Ol - ortalyqtyń qyzmetkeri. Ortalyqtaǵy barlyq adam karantinge nemese statsionarlarǵa jiberilip, dezinfektsiialyq jumystar júrgizildi», - dedi Lázzat Aqtaeva.
