Qazaqstannyń bas memlekettik sanitar dárigeri Aijan Esmaǵambetova Reseide júrgen qazaqstandyqtar elimizdiń qai qalalaryna jetkiziletinin aitty, dep habarlaidy "Ult aqparat".
«Densaýlyq saqtaý ministrligi Syrtqy ister ministrligimen birlesip, Reseide júrgen bizdiń azamattardy qaitarý máselesin pysyqtaýda. Osy oraida birlesken jospar ázirlenip, onda azamattarymyzdy áýe, temirjol kólikterimen ári avtobýs arqyly alyp kelý qarastyrylǵan. Qazirgi kezde tizim men qozǵalys baǵdarlary naqtylanýda. Ázirge, osy baǵdarlar Nur-Sultanǵa, Almatyǵa, Shymkentke, Qostanaiǵa jáne Aqtaýǵa baǵyttalǵan. Bul sońǵy tizim emes, sebebi baǵdarlar men azamattar sany áli de pysyqtalýda», - dedi A. Esmaǵambetova onlain baspasóz máslihatynda.
Onyń sózine qaraǵanda, Qazaqstanǵa oralǵysy keletin barlyq azamattar elshiliktiń kómegine júginedi. Osydan keiin elshilik Syrtqy ister ministrligimen berge tizim qurady. Sáikesinshe, azamattar jetkiziletin kólik túri aiqyndalady.
Budan buryn habarlanǵandai, mamyr aiynda Reseiden 6 myńnan asa azamatymyzdy alyp kelý josparlanýda.
