Reseide koronavirýstyń taralýy sebebimen engizilgen shekteý rejimin uzartýǵa qatysty usynystar ádiletti. «Rospotrebnadzor» basshysy Anna Popova osylai málimdedi, dep habarlaidy TASS agenttigi.
«Men buny ádiletti usynys dep sanaimyn, biz ǵalymdarmen sóilestik, olar da osy pikirde», - dedi Popova telearnaǵa bergen suhbatynda.
Ol reseilikterdiń qazirgi kezde eki inkýbatsiialyq kezeń, shamamen 28-30 kún «qarym-qatynasty úzý rejiminde» júrgenin túsindirdi. Alaida indetke shaldyqqan adamdar sanynyń aitarlyqtai azaiyp, baqylanyp otyrǵan nátijeni bekitý úshin taǵy bir inkýbatsiialyq kezeń qajet bolyp otyr.
Popova Reseide virýs juqtyrý oqiǵalarynyń ósimi baiqalmai otyrǵanyn atap ótti.
«Tómendeý – bul kún saiyn tirkelip otyrǵan oqiǵalar sanynyń kelesi kúnge qaraǵanda azaiýy. Ázirge juqtyrýshylardyń dinamikalyq birqalypty qisyq syzyǵy qalyptasqan, ony tómendetý úshin bizge taǵy ýaqyt qajet bolyp tur», - dep atap ótti ol.
